Caka cilicose, Aklistu ŵajinji ŵawujile panyuma akusatenda nawo Cikumbucilo. Jemanjaji ŵatandite kuwutuka nawo pa mpikisano wakuja kupocela umi nambo ŵatengwice pa magongo gakulekanganalekangana, gane mwa magongoga agasasile mu kabuku kakuti Awujile kwa Yehofa. (Ahe. 12:1) Nambo Yehofa akusiŵawonape ŵanduŵa kuti ali ŵakusosekwa ligongo ŵasumile ni miyasi ja Mwanagwe. (Mase. 20:28; 1 Pet. 1:18, 19) Ana mpaka twakamucisye catuli kuti atandilesoni kusongana?

Acakulungwa ŵa Mumpingo akusiŵasosasosa nambosoni kwakamucisya Aklistu ŵawujile panyumaŵa mpela mwakusatendelaga jwakucinga yilango jwa mtawu jwakusasosa ngondolo jimo jajisokonecele. (Luk. 15:4-7) Yeleyi yikulosya kuti Yehofa akusatusamalila mwacinonyelo. (Yer. 23:3, 4)[1] Wosopewe tukusosekwa kwalimbikasyaga jemanjaji, ngaŵaga acakulungwa ŵa mumpingope. Kulingalinga kwetu pakwalosya cinonyelo soni kwapikanicisya yikusamsangalasya Yehofa soni yeleyi yikusayikasya majali. (Miy. 19:17; Mase. 20:35) M’yoyo, aganicisyeje ya mundu jwakusaka kumlimbikasya, soni tukwaŵenda kuti atende yeleyi mwangacelewa!

ALOLELE FIDIYO JAKUTI ŴALIMBIKASYEJE ŴANDU ŴAKUWUJILA PANYUMA, KANEKO AGANICISYE YIWUSYO YAKUYICISYAYI:

• Ana Abbey ŵatesile cici paŵasimene ni Jwamboni jwanganam’manyililaga?

• Ligongo cici tukusosekwa kwasalila acakulungwa ŵa mumpingo naga tukusaka kumkamucisya mundu jwawujile panyuma?

• Ana Abbey ŵakosecele catuli pa ulendo wakwe waŵili wakuja kukumlimbikasya Laura?

• Ana Abbey jwalosisye catuli kupilila, kuwusimana mtima, soni cinonyelo paŵamlimbikasyaga Laura?

• Ana tukulijiganya cici pa citagu ca Yesu cacikusimanikwa pa Luka 15:8-10?

• Ana papali yambone yatuli ligongo lya mtawu pa kumkamucisya Laura?