Paulo ni Sila ŵajimbaga nyimbo syakumlumba Mlungu ali mu ndende. (Mase. 16:25) Mu ndaŵi jetu jino, ŵakulambila acimjetu aŵele ali mkwimba nyimbo mu ndende ja Sachsenhausen mu ndaŵi ja cipani ca Nazi ku Germany soni ŵane ku ndende sya Siberia.[1] Yisyasyo yeleyi yikulosya kuti nyimbo sikwete macili gakwalimbikasya Aklistu ŵakusimana ni yakulingwa.

Pacangakaŵapa yiŵeceto yejinji ciyikole buku jasambano ja nyimbo ja mtwe wakuti “Amjimbile Yehofa” Mwakusangalala. Pacitugamba kola bukuji, tukusosekwa citulijiganyeje nyimbosi pa ndaŵi ja kulambila kwa peŵasa kuti citukomboleje kusikumbucila cenene. (Aef. 5:19) Kaneko, msimu weswela ucitukamucisyaga kumbucila pa ndaŵi jatusimene ni yakulingwa. Nyimbo sya Ucimwene mpaka situkamucisye ganicisya ya cembeceyo cetu. Soni mpaka situlimbikasye patukusimana ni yakulingwa. Atamose pa ndaŵi jatukusangalala nyimbo sine mwa nyimbosi mpaka situtendekasye “kwimba mwakusangalala” ligongo lya ndamo jambone jatuli. (1 Mbiri 15:16; Sal. 33:1-3) Kwende wosope tukamulicisyeje masengo nyimbo sya Ucimwenesi mwampaka tukombolele!

ALOLELE FIDIYO JAKUTI NYIMBO JAKWALIMBIKASYA ŴANDU ŴALI PA YIPWETESI. KANEKO AJANJE YIWUSYO YAKUYICISYAYI:

• Ana yindu yapi yayamtendekasisye m’bale  Frost kuti alinganye nyimboji?

• Ana nyimboji jalimbikasisye camtuli abale ŵaŵaliji ku ndende ja Sachsenhausen?

• Ana yakutendekwa ya lisiku lililyose yapi, yampaka yitendekasye kuti nyimbo sya Ucimwenesi syalimbikasye?

• Ana nyimbo sya Ucimwene syapi syakusaka kuti asijinjisye pa mtima?