Ana ŵani ŵatukusosekwa kwapocela mwacinonyelo? Tukusosekwa kwapocela ŵaliwose ŵayice kukutenda nawo misongano jetu ja Ciklistu—acalendo soni acimjetu. (Alo. 15:7; Ahe. 13:2) Jwine mpaka aŵe jwakulupilila mjetu jwatyocele ku cilambo cine kapena Mklistu jwawujile panyuma jwayice ku misongano pa nyuma pa yaka yejinji. Agambe ganicisya mwampaka apikanile ali mu ndamo mpela syelesi. Ana nganaŵa asangalele ligongo lyakwapocela mwacinonyelo? (Mat. 7:12) M’yoyo tukusosekwa tulinjejelinjeje kwakomasya ŵane ku Nyumba ja Ucimwene kundanda soni kumbesi kwa misongano. Yeleyi yikusalosya cinonyelo pa abale pacilambo cosope soni yikusapeleka ucimbicimbi kwa Yehofa. (Mat. 5:16) Yisyene kuti nganituŵa tukombwele kuŵecetana ni mundu jwalijose, nambope jwalijose mpaka alipikane kuti apoceledwe naga m’weji tukulinga kutenda mbali jetu. *

Tukusosekwa kwapocela cenene acalendo ndaŵi syosope ngaŵaga pa Cikumbucilope. Acalendo pakukuwona kulingalinga kwetu pakwapocela mwacinonyelo soni yitendo yetu yambone cacitanda kumlumba Mlungu soni kulambila kweswela.—Yoh. 13:35.