UMI WETU WACIKLISTU
Akamulicisyeje Masengo Mwalunda Yindu Yakamucisya Pakwiganya
Kupanganya ŵakulijiganya kuli mpela kutaŵa nyumba. Kuti tutaŵe cenene, tukusosekwa kulijiganya kakamulicisye masengo ka yida. Mnopemnope tukusosekwa kukusya lunda lwetu pa kakamulicisye masengo ka Maloŵe ga Mlungu jajili Baibulo. (2 Tim. 2:15) Tukusosekwasoni kamulicisya masengo mwalunda mabuku gane soni mafidiyo gakamucisya pa kwiganya kuti tupanganye ŵakulijiganya. *
Ana mpaka ajongolele camtuli pa kakamulicisye masengo ka Yindu Yakamucisya Pakwiganya yatukwete? (1) Am’wusye jwakulolela kakuga kawo ka undumetume wa mumgunda kuti ŵakamucisye, (2) alalicileje ni jwakulalicila jwakumanyilila yejinji kapena mpayiniya, soni (3) ajendelecele kulinjilila. Patandite kamulicisya masengo mwalunda mabuku soni mafidiyo, caciŵa ŵakusangalala pa masengo gakutaŵa mwausimu.
MAGASINI
TUMABUKU
MABUKU
TUMAPEPALA
MAFIDIYO
TUPEPALA TWAKWAŴILANJILA ŴANDU
MAKADI
^ ndime 3 Mabuku gane gangakamula masengo mpela gakwiganyila Baibulo ligongo ŵalembele ŵandu ŵakweŵakwepe. Mabukuga mpaka agakamulicisye masengo pandaŵi jagakusosecela.
