Kutandila mwesi wa september, mu Umi ni Undumetume Wetu Waciklistu cimuŵeje mtwe wasambano pa yampaka aŵecete wakuti “Ajiganyeje Usyesyene.” Cakulinga cakwe ni kwajiganya ŵandu usyesyene wa m’Baibulo pakamulicisya masengo ciwusyo soni lilemba.

Naga tuyiweni kuti mundujo akwetu lung’wanu, mpaka tulinganye ya ulendo wakuwilisya mwakumlecela buku jilijose mwinesoni kumlosya fidiyo ja pa jw.org/yao. Tukusosekwa kuwujilako mkanipamale masiku gejinji. Yakuti jwakulalicila akaŵecete, ciyityoceleje m’buku ja Ana Baibulo Jikusajiganya Cici? M’bukuji mpaka tukapate yine mwa yiwusyo soni malemba gakamulicisya masengo paulendo wakuwilisya kapena pakutandisya lijiganyo lya Baibulo pali pangali Baibulo.

Pana litala limo basi lyakutulongolela ku umi. (Mat. 7:13, 14) Ligongo lyakuti tukusaŵeceta ni ŵandu ŵa dini soni ndamilo syakulekangalekangana, tukusosekwa kusagulaga usyesyene wa m’Baibulo wampaka wayice pamtima mwakamulana ni ŵanduwo. (1 Tim. 2:4) Patukuŵeceta ni ŵandu ngani syakulekanganalekangana sya m’Baibulo soni kongolela katende ketu “pakamulicisya masengo cenene maloŵe ga usyesyene,” tuciŵa ŵakusangalala mnope, soni tucikombola kwajiganyaga ŵane usyesyene.—2 Tim. 2:15.