LIGONGO CICI KULI KWAKUSOSEKWA MNOPE?: Buku jetu jilijose jajikusasimanikwa pa yida yetu Yakamulicisya Masengo Pakwiganya jikusalongolela ku jw.org. Lisosa lyekulungwa lya tumakadi soni kapepala kakuti Ana Kwanga kwa Yiwusyo Yakusosekwa Mnope Mpaka Tukupate Kwapi? lili kwalongolela ŵandu pa webusati jetu. Mpaka agaŵile buku kwa mundu kutyocela pa yida yetu Yakamulicisya Masengo Pakwiganya pakamulicisya masengo jw.org. Yeleyi mpaka yikamucisye mnopemnope pakumlalalicila mundu jwakusaŵeceta ciŵeceto cine. Konjecesya pelepa, ŵandu mpaka awusyeje yiwusyo yele kwanga kwake kukusasimanikwa m’mabuku gele pangali pa yida yetu Yakamulicisya Masengo Pakwiganya. Naga tukukamulicisya masengo cenene webusayitiji, mpaka jitukamucisye mnope pa undumetume wetu.

MWAMPAKA TUTUNDELE:

• Ajawule Palembile Kuti “ZIMENE BAIBULO LIMAPHUNZITSA.” Tuwanicisye kuti akumlalicila nangolo jwakusacilila kumanyilila yejinji pakwamba mwampaka ŵalelele ŵanace. Ajawule palembile kuti ZIMENE BAIBULO LIMAPHUNZITSA > ANTHU OKWATILANA KOMANSO MABANJA

• Ajawule Palembile Kuti “MABUKU”. Tuwanicisye kuti akulalicila mwa upile kwa mjawo jwa kusukulu ni akusaka kumpa kabuku kakuti Kwanga Kwa Yiwusyo 10 Yakusaliwusya Ŵacinyamata. Ajawule palembile kuti MABUKU > MABUKU NI TUMABUKU.

• Ajawule Palembile Kuti “YAKWAMBA M’WEJI”. Tuwanicisye kuti akumlalicila mjawo jwakumasengo jwakusaka kuŵalanga ngani jakwamba yatukusakulupilila m’weji. Ajawule palembile kuti YAKWAMBA M’WEJI > YIWUSYO YAKUSANONYELA ŴANDU KUWUSYA PAKWAMBA YA MBONI SYA YEHOFA.

ALOLELE FIDIYO JAKUTI KUKAMULICISYA MASENGO JW.ORG, KANEKO ALOLE KWAMPAKA AJAWULE PA WEBUSAYITI KUTI AMKAMUCISYE:

• mundu jwangakulupilila kuti kwana Mlungu

• mundu jwakusimana ni yakusawusya

• m’bale kapena mlongo juŵawujile munyuma

• mundu jwaŵalosisye lung’wanu ni mwatukusapatila mbiya syakwendecesya masengo getu

• mundu jwa cilambo cine jwakusaka kusongana m’cilambo cakumangwakwe