Yakupanganyikwa yikusajenesya lumbili lwa Yehofa. (Sal. 19:1-4; 139:14) Nambope, cilambo ca Satanaci cikusalimbikasya yijiganyo yangamcimbicisya Mlungu yakwamba muwatandile umi. (Alo. 1:18-25) Ana mpaka atende wuli kuti yijiganyo mpela yeleyi yikatamilicika mumtima mwa ŵanace ŵawo? Kutandila pali makandi, ŵakamucisyeje ŵanacewo kusya cikulupi cakuti Yehofa apali soni kuti akusasamala ya ŵanacewo. (2 Akoli. 10:4, 5; Aef. 6:16) Akusosekwa amanyilileje nganisyo sya ŵanace ŵawo pangani syakusalijiganya kusukulu, soni akamulicisyeje masengo yida yatukwete kuti ŵayiceje pamtima ŵanacewo.—Miy. 20:5; Yak. 1:19.

ALOLELE FIDIYO JAKUTI YAKUSAŴECETA ACIMJAWO—KULUPILILA MLUNGU, KANEKO ATAGULILE YIWUSYO YAKUYICISYAYI:

• Ana ŵandu ŵajinji akusaganisya cici pakwamba ya kulupilila Mlungu?

• Ana kusukulu kwawo akusajiganya yatuli?

• Ana ni cici cacikusiŵasimicisya kuti Yehofa apali?

• Ana mpaka amkamucisye catuli mundu jwine kulupilila kuti Mlungu ni juŵapanganyisye yindu yosope?