CIPANJE CAKUSIMANIKWA M’MALOŴE GA MLUNGU | YESAYA 52-57
Klistu Jwalasile Ligongo lya M’weji
“Jwalakwe, ŵandu ŵamnyosyaga soni ŵam’ŵambalaga . . . Twam’weni mpela jwakulagasidwa, soni kwapulidwa ni Mlungu”
53:3-5
-
Ŵandu ŵamnyosyaga Yesu soni ŵamjelwisye mwacipongwe. Ŵandu ŵane ŵaganisyaga kuti Mlungu akumpa jwalakwe cilango
‘Lyaliji lisosa lya Yehofa kuti jwalakwe alagasidwe, . . . soni kuti kupitila mwa jwalakwe lisosa lya Yehofa likwanilicikwe.’
53:10
-
Mwangakayicila, Yehofa yampwetece paŵam’weni Mwanace jwakwe ali mkulagasidwa soni kum’wulaga. Nambo Yehofa jwasangalele pakulola kuti Yesu jwaŵelepe jwakulupicika. Ciwa ca Yesu cajanjile yaŵasasile Satana yakwamba kulupicika kwa ŵakutumicila ŵa Mlungu soni cikusakamucisya kuti ŵandu ŵapitikwice mtima apocele majali. Yeleyi yikamucisye kuti “lisosa lya Yehofa” likwanilicikwa
