Yesu pajwaliji pacilambo capasi jwagombelecesye lilamusi lyakuti “Mwacimbicisyeje baba ŵenu ni mama ŵenu.” (Eks. 20:12; Mat. 15:4) Yesu jwakwete ufulu wakuŵeceta maloŵe gelega ligongo lyakuti jwalakwe “jwapikanilaga” acinangolo ŵakwe pajwaliji kamnyamata. (Luk. 2:51) Ali akusile, Yesu jwatesile yakuti mamagwe cakole ŵakwasamalila jwalakwe pacaciwapo.—Yoh. 19:26, 27.

Masiku aganosoni, Aklistu ŵacinyamata ŵakusapikanila acinangolo ŵawo soni kuŵecetana nawo mwaulemu akusalosya kuti akusiŵacimbicisya acinangolowo. Nambope, lilamusi lyakwacimbicisya acinangolo ŵetu lyangali malile. Atamose pandaŵi jele acinangolo ŵetu akalambele, tukusosekwape kwendelecela kwacimbicisya mwakamulicisya masengo lunda lwawo. (Miy. 23:22) Mpaka tulosye kuti tukusitwacimbicisya acinangolo ŵetu ŵakalambale mwakwakamucisya mwakucilu. (1 Tim. 5:8) Cinga tuli ŵanace kapena ŵacikulile, kwendelecela kuŵecetana ni acinangolo ŵetu mwakwacimbicisya lili litala lyambone lyakulosya kuti tukusitwacimbicisya.

ALOLELE FIDIYO JAKUTI ANA MPAKA MBECETANEJE CAMTULI NI ACINANGOLO ŴANGU? KANEKO AJANJE YIWUSYO YAKUYICISYAYI:

• Ligongo cici ndaŵi sine mpaka yasawusyeje kuŵecetana ni acinangolo ŵawo?

• Ana mpaka ŵacimbicisyeje camtuli acinangolo ŵawo pakuŵecetana nawo?

• Ligongo cici yikusasaka mtawu kuti aŵecetaneje ni acinangolo ŵawo? (Miy. 15:22)