UMI WETU WACIKLISTU
Kongolela Katende Ketu Ka Undumetume—Kuleka Kutendesya Majiganyo ga Baibulo Gangajawula Pasogolo
LIGONGO CICI KULI KWAKUSOSEKWA: Ŵandu akusosekwa kuŵilanga pa lina lya Yehofa kuti cakulupuce. (Alo. 10:13, 14) Nambope, ngaŵa kuti ŵandu wosope ŵakusajiticisya lijiganyo lya Baibulo akusasaka kutenda lisosa lya Yehofa. M’yoyo tukusalolecesya kuti tukukamulicisya masengo mwalunda ndaŵi jetu patuli mu undumetume mwakwakamucisya ŵandu ŵakusaka kucenga kuti amcimbicisye Yehofa. Naga jwakulijiganya Baibulo ngakulosya kwawula pasogolo panyuma pakumjiganya kwa ndaŵi jelewu, mwalunda mpaka tulece lijiganyolyo ni kumalilaga ndaŵi jetu pakwakamucisya ŵandu ŵele Yehofa akwawutila kwa jwalakwe soni mu likuga lyakwe. (Yoh. 6:44) Yisyene kuti naga msogolo mundujo akulosya kuti “asagulidwe kuti capocele umi wangamala,” pelepo mpaka tutandilesoni kulijiganya najo Baibulo.—Mase. 13:48.
MWAMPAKA TUTENDELE:
-
Tumyamicile jwakulijiganyajo ligongo lyakusaka kumanyilila usyesyene mwakulondola.—1 Tim. 2:4
-
Tumsalile umbone wakamulicisya masengo yindu yalijiganyisye.—Luk. 6:46-49
-
Tukambilane najo mwacinonyelo ciwanicisyo ca Yesu ca jwakupanda mbeju, ni kumwusya cacikusamlepelekasya kwawula pasogolo.—Mat. 13:18-23
-
Mwakusamala tumsalile ligongo lyakwe tukuleka kutendesya lijiganyolyo
-
Tumsalile kuti cituyiceje ndaŵi sine kukumlimbikasya, soni kuti kusogolo yiciŵa yakomboleka kutandilasoni lijiganyolyo naga akucenga
ALOLELE FIDIYO, KANEKO AJANJE YIWUYSO YAKUYICISYAYI:
-
Ana cici cacilosisye kuti jwakulijiganyaju ngakwawula pasogolo mwausimu?
-
Ana m’baleju amkamucisye camtuli jwakulijiganyaju kupikanicisya kuti akusosekwa kucenga?
-
Ana m’baleju awugwile camtuli upile wakuti kusogolo komboleka kutandilasoni lijiganyoli?