Patukulola maluŵa gakusalala, ndondwa, lisegwe lya mesi ga m’lusulo gagakutyocela pamalo gakwela mnope, ana tukusagawona masengo ga Mkupanganya? Yakupanganyikwa yayitusyungulile yikusalosya ndamo sya Yehofa syangawonecela. (Alo. 1:20) Patukuganicisya yindu yatukusayiwona ni meso getu, tukusakombola kugawona macili ga Mlungu, cinonyelo cakwe, cilungamo, nambosoni koloŵa magasa kwakwe.—Sal. 104:24.

Ana lisiku lililyose akusayiwona yindu yapi yaŵapanganyisye Yehofa? Atamose ŵakusatama m’tawuni akusakombola kuyiwona yijuni kapena yitela. Kulolecesya mwakusamala yindu yaŵapanganyisye Yehofa mpaka kutukamucisye kunandiya kulagasika nganisyo, yampaka yitukamucisye kuti nganisyo syetu siŵeje pa yindu yakusosekwa mnope. Mpaka yitukamucisyesoni kusya cikulupi cetu pa Yehofa kuti cacitusamalila mpaka kalakala. (Mat. 6:25-32) Naga akwete ŵanace, ŵakamucisyeje kuti asiwoneje ndamo syambone sya Yehofa. Patukulosya kuyamicila yakupanganyikwa yayitusyungulile, tuciŵa paunasi ni Mkupanganya.—Sal. 8:3, 4.

ALOLELE FIDIYO JAKUTI YAKUPANGANYIKWA YIKUSASALA YA UCIMBICIMBI WA MLUNGU​—KUŴALA SONI MTUNDU, KANEKO AJANJE YIWUSYO YAKUYICISYAYI:

• Ana yindu yine yikusatukamucisya camtuli kuti tukuwoneje kuŵala?

• Ana lilanguka likusatendekasya camtuli kuti mtundu wa yindu yine uwoneceje wakusalala mnope?

• Ligongo cici tukusajiwona mitundu jakulekanganalekangana kwinani?

• Ana ni mitundu japi ja yakupanganyikwa jakusajiwona ciŵandika kumangwawo?

• Ligongo cici tukusosekwa tupateje ndaŵi jakulolecesya mwakusamala yakupanganyikwa?