Tukusasaka kwitilila mbeju sya usyesyene syatupandile mwa ŵandu. (1 Akoli. 3:6) Patusimene ni mundu jwalung’wanu tukusosekwa kumlecela ciwusyo cakuti citutagulilane paulendo wakuwilisya. Yeleyi yicikamucisya kuti lung’wanu lwa mundujo lukamala soni kuti citutande kutagulilana najo mwangasawusya paulendo wakuyicisyawo. Patusimene najosoni mpaka tugambe kumsalila kuti tuyice kuti tujanje ciwusyo citwamlecele ulendo upite ula.

• Patukukosecela kulalicila kunyumba ni nyumba, tukosecelejesoni ciwusyo campaka tukajanje paulendo wakuwilisya. Ciwusyoco mpaka cityocele mu ngani jajili m’magasini jakugaŵila, kapena mpaka ciŵe ciwusyo cele kwanga kwakwe kukusimanikwa m’buku jakulijiganyila Baibulo jele cacijijigala paulendo wakuyicisyawo.

• Pamalisisye kuŵecetana ni mundu jwalosisye lung’wanu, amsalile kuti wawojo akusaka caŵecetane najosoni lisiku line, kaneko amlecele ciwusyo ciŵakosecele cila. Naga kwakomboleka ajigale nambala jakwe ja foni kapena adilesi jakwe.

• Naga alangene ni msyenenyumba kuti caciwujilako, akusosekwa kwanilisya yalangeneyo.—Mat. 5:37.