Pa Kulalicila kwa Petumbi, Yesu jwaŵecete kuti “Alece kulaga nganisyo ya umi wawo.” (Mat. 6:25) Ligongo lyakuti kudandawula pa yindu yine kuli kwacipago kwa ŵandu ŵangali umlama, Yesu ŵajiganyaga ŵakumkuya ŵakwe kuti aŵambaleje kudandawula mnope, ligongo lyakuti tukutama m’cilambo ca Satana. (Sal. 13:2) Ligongo cici? Ligongo lya kulaga nganisyo, atamose pakwamba ya yakusosecela yetu ya lisiku ni lisiku, mpaka yitusokonasye mwakututendekasya kuyiwona kuŵa yakusawusya kusosasosa candanda Ucimwene. (Mat. 6:33) Yaŵaŵecete Yesu panyuma pakwe mpaka yitukamucisye kuti tukadandawulaga ni yindu yangali mate.

• Mat. 6:26—Ana mpaka tulijiganye cici kutyocela ku yijuni? (w16.07 9-10 ¶11-13)

• Mat. 6:27—Ligongo cici kudandawula ni yindu yiliyose kuli kwasa ndaŵi soni macili? (w05-CN 1/1 22 ¶5)

• Mat. 6:28-30—Ana mpaka tulijiganye cici kutyocela ku maluŵa gamwitinji? (w16.07 10-11 ¶15-16)

• Mat. 6:31, 32—Ana Aklistu akusalekangana camtuli ni ŵandu ŵa m’cilamboci? (w16.07 11 ¶17)

Ana Ngusaka ndece kudandawula pakwamba ya Cici?