Samueli jwaŵele jwakulupichika kwa Yehofa kwa umi wakwe wosope. Pajwaliji kamnyamata, nganatendaga nawo ndamo syakusakala sya ŵatendaga ŵanache ŵa Eli, ŵaŵaliji Hofini ni Finihasi. (1Sam 2:22-26) Samueli paŵakulaga Yehofa jwaliji najo. (1Sam 3:19) Jwalakwe ali akusile jwapitilisye kutenda yakumsangalasya Yehofa atamose kuti ŵanache ŵakwe nganatendaga yeleyo.—1Sam 8:1-5.

Ana tukulijiganya chichi kutyochela kwa Samueli? Naga ali jwachinyamata amanyilile kuti Yehofa akusayiwona yakusawusya yakusasimana nayo soni akusamanyilila mwakupikanila mu mtima. Jwalakwe mpaka ŵakamuchisye kuti aŵe ŵakulimba. (Yes 41:10, 13) Naga wawojo ali nangolo ni ŵanache ŵawo ngakumtumichila Yehofa, mpaka yalimbikasye kumanyilila kuti Samueli nganiŵakanganichisyaga ŵanache ŵakwe ŵaŵaliji ŵachikulile kuti akuyeje mfundo sya Yehofa. Jwalakwe ŵayilesile yosope m’miyala mwa Yehofa. Ni jwapitilisye kuŵa ŵakulupichika kwa jwalakwe soni kutendaga yakumsangalasya. Mwine chisyasyo chawo chambone chichakamuchisya ŵanache ŵawo kuwujila.

ALOLELE FIDIYO JAKUTI TULIJIGANYE KUTYOCHELA KWA ŴANDU ŴAKALA—SAMUELI, KANEKO AKAMBILANE YIWUSYO AYI:

• Ana Samueli jwalosisye chamtuli kulimba mtima pajwaliji kamnyamata?

• Ana Danny jwalosisye chamtuli kulimba mtima?

• Ana Samueli jwalosisye chamtuli chisyasyo chambone pajwaliji jwachikulile?

• Ana achinangolo ŵa Danny ŵalosisye chamtuli chisyasyo chambone?