Kuti ŵakulijiganya Baibulo aŵe pa unasi ni Yehofa akusasosekwa kungulukaga ni ŵandu ŵambone. (Sal 15:1, 4) Kunguluka ni ŵandu ŵeleŵa kuchakamuchisya kuti akatendaga yakusakala.—Mis 13:20; lff lijiganyo 48.

Mwachinonyelo twakamuchisyeje ŵakulijiganya Baibulo kuti akole achimjawo ŵambone. Yikusaŵa yakusawusya kwa jemanjaji kuleka kunguluka ni achimjawo ŵakala. Myoyo tulosyeje kuti tuli achimjawo ŵasyesyene. Tukungulucheje nawo atamose masiku gele ngatukutenda lijiganyo. Mpaka tutende yeleyi mwakwajimbila foni, kwalembela meseji kapena kwajendela kwene. Jwakulijiganyaju pakwawula pasogolo mpaka amŵilanjileje kuti akungulucheje ni abale ni alongo. Kaneko chachiyiwona kuti akupata achimjakwe ŵajinji kulekangana ni ŵaŵalesile kunguluka nawo. (Mk 10:29, 30) Soni wawojo pakuliwona kuti liŵasa lya Yehofa likukula chachisangalala.

ALOLELE FIDIYO JAKUTI TWAKAMUCHISYEJE ŴAKULIJIGANYA BAIBULO KUTI AKAKUNGULUKAGA NI ŴANDU ŴAKUSAKALA, KANEKO AKAMBILANE YIWUSYO AYI:

• Ana achimjetu ŵanganaŵa ŵambone ni ŵapi?—1Ak 15:33

• Ana Jedi jwaganisyaga kuti ni yindu yapi yayikusatendekwa Aklistu pakukunguluka?

• Ana Nita jwamkamuchisye uli Jedi kuti akole achimjakwe ŵambone?