Ligongo chichi mkusosekwa kwasalilaga mwagopoka achinangolo ŵenu yayili mu mtima mwenu? (Mis 23:26) Ligongo lyakuti Yehofa ŵapele udindo achinangolo kuti amsamalileje soni kumlongolela jemanja. (Sal 127:3, 4) Naga ngamkwasalila achinangolo yayili mu mtima mwenu mpaka yiŵe yakusawusya kuti amkamuchisyeje. Nambosoni nganimŵa mmanyilile yindu yakamuchisya yaŵele ali mkusimana nayo achinangolo ŵenu. Ana kuli kulemwa ngasalila yindu yine achinangolo? Nganikuŵa kulemwa naga ngamkutenda yakusakala.—Mis 3:32.

Ana mpaka atende chichi kuti aŵechetaneje ni achinangolo ŵawo? Apateje ndaŵi jele achinangolo soni wawojo akusakola mpata wambone. Naga yikusiyasawusya kuŵechetana ni achinangolo mpaka agambe kwalembela chikalata ni kwasalila yayili mu mtima mwawo. Ana mpaka atende chichi naga achinangolo akusaka kukambilana ni wawojo ngani jele wawojo ngakusaka kuti akambilane? Amanyilileje kuti chakulinga cha achinangolowo chili kwakamuchisya. Myoyo ŵawoneje kuti ali achimjawo ngaŵa adani ŵawo. Yakusatenda kuti aŵechetaneje ni achinangolo yichakamuchisya kwa umi wawo wosope.—Mis 4:10-12.

ALOLELE FIDIYO JAKUTI CHINYAMATA CHANGU—ANA MPAKA MBECHETANEJE CHAMTULI NI ACHINANGOLO ŴANGU? KANEKO AKAMBILANE YIWUSYO AYI:

• Ana Partik ni Esther ŵamanyilile kuti ŵatendaga yindu chamtuli?

• Ana chisyasyo cha Yesu chikutujiganya chichi?

• Ana achinangolo ŵawo alosisye chamtuli kuti akusiŵanonyela wawojo?

• Ana ni Malemba gapi gampaka gamkamuchisye kuti mŵechetaneje ni achinangolo ŵenu?