UMI WETU WACHIKLISTU
Ŵajiganyeje Ŵanache Ŵawo Mfundo sya M’Baibulo Kuti Yindu Yajendeleje Chenene
Achinangolo ŵa Chiklistu akusasaka kuti ŵanache ŵawo asangalaleje soni kuti yindu yajendeleje chenene pakumtumichila Yehofa. Achinangolo mpaka ŵakamuchisye ŵanache ŵawo kuti yindu yajendeleje chenene naga akusiŵajiganya mfundo sya m’Baibulo.—Mis 22:6.
-
Atendeje yakuti ŵanache ŵawo aŵeje ŵagopoka kuŵechetana nawo.—Yak 1:19
-
Ŵajiganyeje kupitila mu yakutenda yawo.—De 6:6
-
Atendeje yindu yakwayana ni kulambila mwakutamichika.—Aef 6:4
ALOLELE FIDIYO JAKUTI ATAŴE NYUMBA JAKULIMBA—MWAKWAJIGANYA ŴANACE ŴAWO ‘M’LITALA LYAKUŴAJILWA,’ KANEKO AJANJE YIWUSYO AYI:
-
Ana achinangolo mpaka alosye chamtuli kuti akusiŵaganichisya ŵanache ŵawo?
-
Ana achinangolo mpaka akamulichisye masengo chamtuli mfundo ja pa Yakobo 1:19?
-
Naga pana yakusawusya, ana achinangolo akusosekwa kutenda uli?
