Chaka chilichose ŵandu ŵa Yehofa akusajembecheya ndaŵi jele akusasongana pampepe kuti atende Chikumbuchilo. Ndaŵi ja Chikumbuchilo jikusatupa upile wakumlumba soni kumyamichila Yehofa ligongo lya mbopesi ja Yesu. (Aef 1:3, 7) Mwachisyasyo, tukusakamula mwakulimbichila masengo gakwaŵilanjila ŵandu ku Chikumbuchilo. Ŵane akusachenga yindu yine paumi wawo ni chakulinga chakuti atende upayiniya wakamuchisya. Jemanjaji akusalalichila kwa maawala 30 kapena 50 m’miyesi ja Malichi ni Epulo. Ana mu ndaŵi ja Chikumbuchilo akusaka chajonjechesye ndaŵi jawo jakusamalila ali mkulalichila? Ana mpaka atende uli kuti yeleyi chikomboleche?

Maumboni galosisye kuti kosechela mkanipaŵe, kukusakamuchisya kuti tukombole kutenda yindu yejinji. (Mis 21:5) Pakuŵa ndaŵi ja Chikumbuchilo jisigele panandi mpaka luŵe lunda kutanda kukosechela apano. Aganichisye yindu yakwayana ni utumiki yakusaka chatende mundaŵi ja Chikumbuchilo. Soni alole yampaka atende kuti chayikwanilisye. Kaneko amŵende Yehofa kuti ŵakamuchisye.—1Yo 5:14, 15.

Ana mpaka aganichisye yindu yachachitenda mu ndaŵi ja Chikumbuchilo kuti chakombole kutenda yejinji pamasengo gakulalichila?