Yosope yatukusaka kutenda yimsangalasyeje Yehofa. (Mis 27:11) Kuti tukombole kutenda yeleyo tukusosekwa kusagulaga yindu mwakamulana ni mwakusaganichisya Yehofa atamose yiŵe yakuti pangali lilamusi lyakutukamuchisya. Ana mpaka tukombole chamtuli kutenda yeleyi?

Alijiganyeje Baibulo mwakutamilichika. Ndaŵi jilijose jatukuŵalanga Baibulo yikusaŵa mpela tukutenda yindu ni Yehofa. Mpaka tumanyilile nganisyo sya Yehofa patukulijiganya mwaŵatendelaga yindu ni ŵandu ŵakwe soni yaŵasimene nayo ŵandu ŵaŵatesile yambone kapena yakusakala. Msimu weswela mpaka utukamuchisye patukusaka kusagula yakutenda. Msimuwu uchitukumbusya mfundo syakusosekwa syatwalijiganyisye m’Maloŵe ga Mlungu.—Yoh 14:26.

Tuwungunyeje. Pakusaka kusagula yakutenda aliwusyeje kuti, ‘Ana ni malemba gapi kapena ngani syapi sya m’Baibulo syampaka singamuchisye kumanyilila nganisyo sya Yehofa pa nganiji?’ Amŵendeje Yehofa kuti ŵakamuchisye kaneko awungunyeje pakamulichisya masengo yindu yakuwungunyila yayikusimanikwa m’chiŵecheto chawo. Pawungunyisye akamulichisyeje masengo yindu yapatile.—Sal 25:4.

ALOLELE FIDIYO JAKUTI TUKUSOSEKWA “KUWUTUKA MWAKUPILILA”—TULYEJE CHAKULYA CHAKULIMBISYA CHILU, KANEKO AJANJE YIWUSYO AYI:

• Ana mlongo jwachisikana jwatum’weni mu fidiyoji jwasimene ni yakusawusya yapi?

  textarea-1

• Pasimene ni yakusawusya yakulandana ni yaŵasimene nayo mlongoju, ana mpaka akamulichisye masengo chamtuli yindu yakuwungunyila kuti amalane ni yakusawusyayo?

  textarea-2

• Ana kuwungunya soni lijiganyo lya pajika yikusatukamuchisya uli kusagula yindu chenene?—Ahe 5:13, 14.

  textarea-3