Ligongo chichi akusosekwa kosechela? Ndaŵi jilijose, mundu mpaka alwale soni kugonechedwa kuchipatala mwangajembecheya. Myoyo akusosekwa kukosechela apano kuti chapochele chikamuchisyo chambone cha mtela naga yeleyi yili yatendechele. Naga akukosechela mkanipaŵe, mpaka alosye kuti akusawuwona umi kuŵa wakusosekwa mnope soni kuti akusapikanila lilamusi lya Yehofa lyakwamba miyasi.—Mas 15:28, 29.

Ana mpaka akosechele chamtuli?

• Akusosekwa kupopela soni kulemba Khadi Lopatsa Mundu Mphamvu Zondiimira pa Thandizo Lakuchipatala (DPA). a Ŵakulalichila ŵele ŵabatisidwe mpaka ajigale kadiji kwa jwakulolela mabuku soni mpaka ŵajigalile ŵanache ŵawo ma Identity Card (ic)

• Naga wawojo ali ŵakwembecheya, ŵasalile achakulungwa ŵa mumpingo mwawo kuti ŵape Malangizo Othandiza Amayi Oyembekezela (S-401). Malangisoga mpaka gakamuchisye wawojo kusagula chenene chikamuchisyo cha mtela pandaŵi jali ŵakwembecheya soni pachachiŵelekaga.

• Akusosekwa kwasalila achakulungwa ŵa mumpingo mkanipaŵe naga akusaka kumanyilila yachikamuchisyo chinechakwe cha mtela chachikusakwaya ngani ja miyasi kapena naga yili yakuti chakagoneche kuchipatala. Ŵasalilesoni ŵachipatala kuti mundu jwa Mboni sya Yehofa chiŵajendeleje wawojo kuchipatalako.

Ana achakulungwa ŵa mumpingo mpaka ŵakamuchisye chamtuli? Mpaka ŵakamuchisye wawojo pakulemba kadi jawo ja DPA. Nambope ngaŵa kuti jemanjaji chachasagulila wawojo chikamuchisyo cha mtela. Pangani jeleji mundu jwalijose akusasosekwa kusagula jika. (Alo 14:12; Aga 6:5) Naga yili mkuti ŵachipatala akusaka kwataga miyasi, wawojo akusosekwa kwasalila achakulungwa ŵa mumpingo. Ndaŵi jijojo jemanjaji chachajimbila Abale ŵa mu Komiti Jakuŵechetana ni Ŵachipatala (HLC).

Ana abale ŵa mu HLC mpaka ŵakamuchisye chamtuli wawojo? Abale ŵa mu komitiji ŵajiganyisye kuti aŵechetaneje ni ŵachipatala soni ŵakulola ya malamusi, ni chakulinga chakuti apikanichisyeje yindu yatukusakulupilila pangani ja kutajidwa miyasi. Myoyo jemanjaji, mpaka aŵechetane ni madokotala kuti ŵape wawojo chikamuchisyo cha mtela nambo ni ngataga miyasi. Naga yakomboleka mpaka ŵakamuchisyesoni kuti apate dokotala jwampaka ŵakamuchisye nambo kwineku ali mkuŵambala kwataga miyasi.

ALOLELE FIDIYO JAKUTI MWAMPAKA ASAGULILE CHIKAMUCHISYO CHA CHIPATALA PANGANI JA MIYASI? KANEKO AJANJE CHIWUSYO ACHI:

• Ana ni yindu yapi yayiweni mufidiyoji yampaka yakamuchisye kukosechela yampaka atende naga ali alwasile soni ali mkuti akusosekwa kutajidwa miyasi?

  textarea-1