Masiku gakumalisya gano tukusimana ni yakusawusya yejinji. Ndaŵi sine mpaka tuyiwoneje kuti yili yangakomboleka kupilila yakusawusya. Nambo naga tukumdalila Yehofa jwalakwe chachitukamuchisya kuti tupilile yakusawusya yosope yatukusimana nayo. (Yes 43:2, 4) Ana mpaka tulosye chamtuli kuti tukusamdalila Yehofa patukusimana ni yakusawusya?

Tupopeleje. Patukumkusulila Yehofa yosope yayili mumtima mwetu, jwalakwe akusatukamuchisya kola mtendele wa mumtima soni akusatupa machili kuti tukombole kupilila.—Afi 4:6, 7; 1At 5:17.

Tusimanikweje pa misongano. Kupundana ni kalakose, apano ni patukusosechela mnope chakulya cha usimu nambosoni kulimbisyana kwakukusatendekwa pamisongano. (Ahe 10:24, 25) Yehofa akusatukamuchisya ni msimu wakwe weswela kuti tupindule ni misongano naga tukusakosechela, kusimanikwapo soni kwanga.—Chw 2:29.

Tulalichileje. Naga tukusalimbichila kulalichila yichitukamuchisya kuti tuganichisyeje yindu yakulimbikasya. Tuchilimbisya unasi wetu ni Yehofa soni ni achimjetu ŵatukusakamula nawo masengoga.—1Ak 3:5-10.

ALOLELE FIDIYO JAKUTI YEHOFA CHACHIMPOCHELA, KANEKO AJANJE YIWUSYO AYI:

• Ana Malu jwakombwele chamtuli kuŵa paunasi ni Yehofa paŵasimanaga ni yakusawusya?

  textarea-1

• Mpela muyaŵelele ni Malu, ana maloŵe ga pa Salimo 34:18 mpaka gatulimbikasye chamtuli patukusimana ni yakusawusya?

  textarea-2

• Ana yaŵasimene nayo Malu yikulosya chamtuli kuti Yehofa akusatupa “machili gakupunda ga ŵandu” patukusimana ni yakusawusya?—2Ak 4:7

  textarea-3