Januwale 15-21
YOBU 36-37
Nyimbo 147 ni Lipopelo | Maloŵe Gandanda (1 min.)
1. Tukulupilileje Yaŵasasile Mlungu Kuti Tuchitama ni Umi Mpaka Kalakala
(Mamin. 10)
Yehofa msyenejo chachiŵapo mpaka kalakala (Yob 36:26; w15 10/1 13 ¶1-2)
Yehofa akwete lunda soni machili gakutendekasya kuti yaumi yipitilisye kuŵa chijumi (Yob 36:27, 28; w20.05 22 ¶6)
Yehofa akusatujiganya yampaka tutende kuti chitutame ni umi mpaka kalakala (Yob 36:4, 22; Yoh 17:3)
Kukulupilila mnope yaŵasasile Yehofa kuti tuchitama ni umi mpaka kalakala kukusatukamuchisya kuti tukombole kumalana ni yakusawusya yatukusasimana nayo.—Aheb 6:19; w22.10 28 ¶16.
2. Mfundo Syakamuchisya
(Mamin. 10)
-
Yob 37:20—Ana kala ŵandu ŵamanyililaga chamtuli ngani syasitendekwe madela gane? (it-1 492)
-
Ana ni yindu yapi yapatile pakuŵalanga Baibulo kwa wiki ajino yakusaka kwasalila ŵane?
3. Kuŵalanga Baibulo
(Mamin. 4) Yob 36:1-21 (th lijiganyo 2)
4. Kutanda Kuŵechetana ni Mundu
(Mamin. 3) KULALICHILA MALO GAKUSIMANIKWA ŴANDU ŴAJINJI. (lmd lijiganyo 3 ndime 3)
5. Kutenda Ulendo Wakuwilisya
(Mamin. 4) KU NYUMBA NI NYUMBA. (lmd lijiganyo 2 ndime 5)
6. Kwasalila Ŵane Yakusakulupilila
(Mamin. 5) Ngani. ijwfq 57 ¶5-15—Mtwe: Ligongo Chichi ŵa Mboni sya Yehofa Ŵalagasidwe Mnope ni Ulamusi wa Nazi ku Germany? (th lijiganyo 18)
Nyimbo 49
7. Akosechele Yakutendekwa Yampaka Yisache Chikamuchisyo cha Mtela Kapena Kwatenda Opaleshoni
(Mamin. 15) Ngani jakambilana. Jakuŵechetedwa ni jwamkulungwa jwa mumpingo.
Gulu ja Yehofa jitupele yindu yampaka yitukamuchisye kuti tukombole kupikanila lilamusi lya Mlungu lyakwayana ni myasi. (Mas 15:28, 29) Ana wawojo akusayikamulichisya masengo yindu yeleyi?
Kadi Jakumpa Mundu Machili Gangachenga Gakutusagulila Chikamuchisyo cha Mtela (DPA) soni Kadi ja Mwanache (ic): Makadiga gakusasala yampaka asagule mundu pangani ja chikamuchisyo chamtela chachikusakwaya kutajidwa myasi. Ŵakulalichila ŵele ŵabatisidwe mpaka ajigale kadi ja DPA kwa jwakulolela mabuku soni mpaka ŵajigalile ŵanache ŵawo Kadi ja Mwanache. Ndaŵi syosope tukusosekwa tujigaleje makadi gelega. Naga akusaka kulemba kadiji kapena kuchenga yindu yine pa kadi jawo jakala, akusosekwa kutenda yeleyi mwachitema.
Malangiso Gakamuchisya kwa Msimayi Jwakwembecheya (S-401) soni Malangiso Gakamuchisya kwa Mundu Jwakusaka Kumtenda Opaleshoni Kapena Jwakusaka Kupochela Mtela wa Ulwele wa Kasa (S-407): Kuŵalanga malangiso gelega mpaka kutukamuchisye kuti tukosechele chikamuchisyo chamtela champaka tupochele, yayikupwatikaposoni ngani jakutajidwa myasi. Naga ali ŵakwembecheya kapena akusosekwa kwatenda opaleshoni mwinesoni akusaka kupochela chikamuchisyo cha mtela cha ulwele wa kasa, akusosekwa kwasalila achakulungwa wa mumpingo kuti ŵape malangiso gagakamulana ni ndamo jali.
Komiti Jakuŵechetana ni Ŵachipatala (HLC): Abale ŵa mu komitiji ali achakulungwa ŵa mumpingo ŵaŵajiganyisye kuti aŵechetaneje ni madokotala soni ŵakulalichila pangani ja chikamuchisyo cha mtela chachikwaya kutajidwa myasi. Jemanjaji, mpaka akambilane ni madokotala yamatala gane ga mtela gampaka gakamuchisye wawojo nichakulinga chakuti aŵambale kwataga myasi. Naga yakomboleka, mpaka ŵakamuchisyesoni kuti apate dokotala jwampaka achimbichisye yasagwile pangani ja myasi. Abale ŵa mu HLC akusaŵa ŵakoseka kutukamuchisya ndaŵi jilijose. Akusosekwa kwajimbila abaleŵa mwachitemachitema naga yili mkuti agonechedwe m’chipatala, akusosekwa kwatenda opaleshoni kapena akusaka kupochela chikamuchisyo chamtela cha ulwele wa kasa. Akusasosekwa kutenda yeleyi atamose yili mkuti madokotala nganasala kuti chasosekwe kwataga myasi. Yeleyi ni yakusosekwa kutendasoni msimayi jwakwembecheya. Naga akusosekwa chikamuchisyo, ŵaŵende achakulungwa ŵa mumpingo mwawo manambala ga abale ŵa mu HLC.
Alolele FIDIYO Ana Komiti Jakuŵechetana ni Ŵachipatala Jikusatukamuchisya Chamtuli? Kaneko ŵawusye ŵakupikanila chiwusyo achi:
Ana ŵa HLC mpaka ŵakamuchisye chamtuli pakusosechela chikamuchisyo cha mtela kapena pakusaka kwatenda opaleshoni?
8. Lijiganyo lya Baibulo lya Mpingo
(Mamin. 30) cl mtwe 5 ¶1-8
