Januwale 8-14
YOBU 34-35
Nyimbo 30 ni Lipopelo | Maloŵe Gandanda (1 min.)
1. Payikuwoneka Kuti Ŵandu Ŵambone Akusimana ni Yangali Chilungamo
(Mamin. 10)
Akumbuchileje kuti Yehofa jwangatandikasya yindu yangali chilungamo (Yob 34:10; wp19.1 8 ¶2)
Mpaka yiwonecheje kuti ŵandu ŵakutenda yakusakala ngakupochela chilango; nambope, Yehofa akusalola yosope yakusatenda (Yob 34:21-26; w17.04 10 ¶5)
Litala lyambone lyakwakamuchisya ŵandu ŵatendeledwe yangali chilungamo lili kwajiganya yakwamba Yehofa (Yob 35:9, 10; Mt 28:19, 20; w21.05 7 ¶19-20)
2. Mfundo Syakamuchisya
(Mamin. 10)
-
Yob 35:7—Ana Elihu jwagopolelaga chichi paŵamwusisye Yobu kuti, “Ana [Mlungu] mpaka apochele chichi kwa m’mwejo?” (w17.04 29 ¶3)
-
Ana ni yindu yapi yapatile pakuŵalanga Baibulo kwa wiki ajino yakusaka kwasalila ŵane?
3. Kuŵalanga Baibulo
(Mamin. 4) Yob 35:1-16 (th lijiganyo 10)
4. Kutanda Kuŵechetana ni Mundu
(Mamin. 3) KU NYUMBA NI NYUMBA. Amŵende msyenenyumba kuti amjiganyeje Baibulo. (lmd lijiganyo 10 ndime 3)
5. Kutanda Kuŵechetana ni Mundu
(Mamin. 4) KULALICHILA MWAUPILE. Amlosye mundu jwakwete ŵanache yampaka atende kuti apate ngani pa jw.org syampaka syakamuchisye achinangolo. (lmd lijiganyo 1 ndime 4)
6. Twajiganyeje Ŵandu
(Mamin. 5) lff lijiganyo 13 kamtwe 5 (lmd lijiganyo 11 ndime 3)
Nyimbo 58
7. Ana Akusaŵa Ŵakoseka ‘Kulalichila Maloŵe’ Mwaupile?
(Mamin. 15) Ngani jakambilana.
Paulo ŵamlimbikasisye Timoteyo kuti, “Mlalichile maloŵe. Mgalalichile mwachitema.” (2Ti 4:2) Maloŵe ga Chigiliki gaŵagagopelele kuti “mwachitema” ndaŵi sine ŵagakamulichisyaga masengo pakusala ya msilikali kapena mlonda jwakusaŵa jwakoseka ndaŵi syosope kukamula masengo gakwe. Maloŵega gakulondesya chenene yatukusasosekwa kutenda patukuŵechetana ni mundu. Ndaŵi syosope tuŵeje ŵakoseka kupata matala gakumlalichila mundu naga upile wakutenda yeleyi upatikene.
Kumnonyela Yehofa soni kuyamichila yindu yosope yakusatutendela, kukusatutendekasya kuti twasalileje ŵane ndamo syambone syakwete Yehofa.
Aŵalanje Salimo 71:8. Kaneko ŵawusye ŵakupikanila chiwusyo achi:
Ana ni yindu yambone yapi yakwamba Yehofa yakusaka kuti ŵasalile ŵane?
Kwanonyela ŵandu kukusatutendekasya kuti twalalichileje upile pawupatikene.
Alolele FIDIYO Yayatendekwe Kuti Ŵandu Ŵajinji Awupate Usyesyene wa M’Baibulo. Kaneko ŵawusye ŵakupikanila yiwusyo ayi:
-
Ana kulalichila mwaupile kwakamuchisye chamtuli kuti ŵandu ŵajinji awupate usyesyene wa m’Baibulo?
-
Ana kulijiganya usyesyene kwakamuchisye wuli ŵandu ŵaŵalesile dini jawo jakala?
-
Ana kwanonyela ŵandu kukusatutendekasya chamtuli kusaka kwalalichila upile pawupatikene?
-
Ligongo chichi akuganisya kuti kulalichila mwaupile lili litala lyambone lyakwakamuchisya ŵandu kuti ammanyilile Yehofa?
8. Lijiganyo lya Baibulo lya Mpingo
(Mamin. 30) cl mtwe 4 ¶19-23, libokosi p. 45
