Januwale 6-12
MASALIMO 127-134
Nyimbo Na. 134 ni Lipopelo | Maloŵe Gandanda (1 min.)
1. Achinangolo Ŵasamalileje Ŵanache Ŵawo Ligongo ali Ŵakusosekwa Mnope
(10 min.)
Achinangolo mpaka aŵe ŵakusimichisya kuti Yehofa chiŵakamuchisye kupata yindu yakusosechela ku liŵasa lyawo (Sal 127:1, 2)
Ŵanache ali mtuka wapenani mnope wakutyochela kwa Yehofa (Sal 127:3; w21.08 5 ¶9)
Amjiganyeje mwanache jwalijose mwakamulana ni yakusosechela (Sal 127:4; w19.12 27 ¶20)
Yehofa akusayamichila mnope achinangolo pakumdalila jwalakwejo soni pakutenda yiliyose yampaka akombole pakwasamalila ŵanache ŵawo
2. Mfundo Syakamuchisya
(10 min.)
-
Sal 131:1, 2—Ana achinangolo mpaka alijiganye chichi kutyochela mundime syelesi? (w21.07 22 ¶6)
-
Ana ni mfundo syapi syakamuchisya syapatile pakuŵalanga Baibulo kwa wiki ajino?
3. Kuŵalanga Baibulo
(4 min.) Sal 132:1-18 (th lijiganyo 2)
4. Kutanda Kuŵechetana ni Mundu
(3 min.) KULALICHILA MWAUPILE. (lmd lijiganyo 1 ndime 3)
5. Kutanda Kuŵechetana ni Mundu
(4 min.) KULALICHILA MWAUPILE. Mundu jwasimene najo akusala yakusakulupilila yayikutindana ni yajikusajiganya Baibulo. (lmd lijiganyo 5 ndime 4)
6. Twajiganyeje Ŵandu
(5 min.) lff lijiganyo 16 ndime 4-5. Akambilane ni jwakulijiganya jwawo dongosolo jatesile kuti apitilisyeje kulijiganya atamose wawo ali atyosile. (lmd lijiganyo 10 ndime 4)
Nyimbo Na. 13
7. Achinangolo Akamulichisyeje Masengo Yindu Yakwiganyila Kuti Ŵayicheje Pamtima Ŵanache Ŵawo
(15 min.) Ngani jakambilana.
Gulu ja Yehofa jikopwesye ngani syejinji, mafidiyo, soni mabuku ga ŵanache pakusaka kwakamuchisya achinangolo kuti ŵajiganyeje ŵanache ŵawo yakwamba Yehofa. Nambope, achinangolo mpaka akombole kwajiganya chenene ŵanache ŵawo kupitila mu yindu yakusatenda.—De 6:5-9.
Yeleyi ni yaŵatesile Yesu pakwajiganya ŵakumkuya ŵakwe.
Aŵalanje Yohane 13:13-15. Kaneko ŵawusye ŵakupikanila kuti:
-
Ligongo chichi yindu yaŵatendaga Yesu yaliji yakamuchisya mnope paŵajiganyaga ŵakulijiganya ŵakwe?
Mpela nangolo, yakusatenda mpaka yakamuchisye ŵanache ŵawo kumanyilila kuti yakwajiganyayo yili yakusosekwa mnope. Mpaka yakamuchisyesoni ŵanache ŵawo kuti apikanileje yakwajiganya soni kuyikuya.
Alolele FIDIYO JAKUTI Tuŵeje Yisyasyo Yambone kwa Ŵanache Ŵetu. Kaneko ŵawusye ŵakupikanila kuti:
-
Ana ŵanache ŵachakongwe ŵa M’bale ni Mlongo Garcia ŵalijiganyisye chichi kutyochela kwa achinangolo ŵawo?
-
Ana fidiyoji jalimbikasisye chamti uli wawojo kupitilisya kuŵa chisyasyo chambone kwa ŵanache ŵawo?
8. Lijiganyo lya Baibulo lya Mpingo
(30 min.) cl mtwe 22 ¶1-8
