Yehofa akusasaka kuti maŵasa gasangalaleje. (Sal 127:3-5; Jwa 9:9; 11:9) Nambope, ndaŵi sine mpaka yiŵe yakusawusya kuti tusangalaleje. Yeleyi mpaka yitendekwe ligongo lya yakusawusya yatukusimana nayo m’chilambochi soni yindu yampaka alemwesye ŵandu ŵamwiŵasa mwetu. Ana jwalijose mwiŵasa akusatenda yindu yapi kuti wosope aŵeje ŵakusangalala?

Jwamlume akusiŵachimbichisya ŵamkwakwe. (1Pe 3:7) Akusapata ndaŵi jakunguluka nawo. Ngakusajembecheya yindu yele ŵamkwakwe nganaŵa akombwele kutenda, mmalomwakwe akusayamichila yakusamtendela soni yakusalitendela liŵasa lyakwe. (Akl 3:15) Akusatenda yindu yakulosya kuti akusiŵanonyela ŵamkwakwe soni akusiŵalumba mnope.—Mis 31:28, 31.

Jwamkongwe akusapata matala gakwakamuchisya ŵamkwakwe. (Mis 31:12) Akusiŵapikanila soni kukamulana ni yindu yasagwile. (Akl 3:18) Akusaŵecheta yindu yambone yakwamba ŵamkwakwe soni akusaŵechetana nawo chenene.—Mis 31:26.

Achinangolo akusapata ndaŵi jakunguluka ni ŵanache ŵawo. (De 6:6, 7) Akusiŵasalila ŵanache ŵawo kuti akusiŵanonyela mnope. (Mat 3:17) Pakwajamuka ŵanache, akusatenda yindu yakulosya kuti akusiŵanonyela soni kwaganichisya.—Aef 6:4.

Ŵanache akusiŵachimbichisya achinangolo ŵawo. (Mis 23:22) Akusiŵasalila yindu yakusimana nayo soni yayikwalagasya nganisyo. Pakwajamuka akusapikanila soni kukamulichisya masengo malangiso gapochele nambosoni akusiŵachimbichisya achinangolo ŵawo.—Mis 19:20.

ALOLELE FIDIYO JAKUTI TUSANGALALEJE MWIŴASA MWETU, KANEKO AJANJE CHIWUSYO ACHI:

Ana ni yindu yapi yatesileje jwalijose m’liŵasali kuti wosope aŵeje ŵakusangalala?