Tukusosekwa tuliŵichileje yakulinga yausimu. Yeleyi mpaka yitukamuchisye kuti tumtumichile Yehofa mwakwanila soni jwalakwe mpaka aŵe jwakusangalala. Kola yakulinga yausimu mpaka kutukamuchisye kuti tuŵe ŵakulimba mwausimu. Myoyo tulipelecheje mnope kuti tukwanilisye yakulinga yatukwete. (1Ti 4:15) Ligongo chichi ndaŵi syosope tukusosekwa tulolejesoni yakulinga yatukwete? Yili myoyo ligongo lyakuti yakutendekwa ya paumi yikusachenga. Mpaka yisimanikwe kuti yakulinga yatwakwete pandanda nganiyiŵa yikamuchisye pandaŵi ajino. Kapena mpaka yiŵe kuti twayikwanilisye kala mwamti mpaka tusosekwe kuliŵichilasoni yakulinga yine.

Ndaŵi jambone jampaka aliŵichile yakulinga yausimu jili mkanichitande chaka cha utumiki chasambano. Pakulambila kwa peŵasa, akambilane yindu yampaka atende mundu jwalijose soni liŵasa lyosope mu chaka cha utumiki chachikwikachi.

Ana ni yakulinga yapi yakusaka kuyikwanilisya pa yindu yakuyichisyayi, soni ana chachitenda chichi kuti akwanilisye yindu yeleyi?