Ogasiti 5-11

MASALIMO 70-72

ALOLELE

Ogasiti 5-11

Nyimbo Na. 59 ni Lipopelo | Maloŵe Gandanda (1 min.)

CHIPANJE CHAKUSIMANIKWA M’MALOŴE GA MLUNGU

1. Chimyisalile “Yisukulu Yosope Yakwisa Msogolo” ya Machili ga Mlungu

(10 min.)

Daudi pajwaliji jwachinyamata jwayiwonaga kuti Yehofa ŵamchenjelaga (Sal 71:5; w99 9/1 18 ¶17)

Daudi ali achekulwipe jwayiwonaga kuti Yehofa akumkamuchisya (Sal 71:9; g04 10/8 23 ¶3)

Daudi jwalimbikasyaga ŵachinyamata mwakwasalila yindu yayamtendechele paumi wakwe (Sal 71:17, 18; w14 1/15 23 ¶4-5)

ALIWUSYE KUTI, ‘Ana ni mundu jwapi mumpingo mwetu jwaŵele ali kumtumichila Yehofa kwandaŵi jelewu, jwampaka namwusye yiwusyo pakulambila kwetu kwa peŵasa?’

2. Mfundo Syakamuchisya

(10 min.)

Sal 72:8—Ana yaŵasasile Yehofa kwa Abulahamu pa Genesesi 15:18 yakwanilichikwe wuli mundaŵi jawulamusi wa Mwenye Solomo? (it-1 768)

Kwanga
Ana ni yindu yapi yapatile pakuŵalanga Baibulo kwa wiki ajino yakusaka kwasalila ŵane?

Kwanga

3. Kuŵalanga Baibulo

(4 min.) Sal 71:1-24 (th lijiganyo 5)

KULIPELEKA MU UTUMIKI WA MUMGUNDA

4. Kutanda Kuŵechetana ni Mundu

(3 min.) KU NYUMBA NI NYUMBA. Naga msyenenyumba akusaka yakangana, aleche kukambilanako mwaulemu. (lmd lijiganyo 4 ndime 5)

5. Kutenda Ulendo Wakuwilisya

(4 min.) KULALICHILA MWAUPILE. Apitilisye kukambilana ni jwachibale jwawo jwele pa ulendo wandanda jwakanaga kuti amjiganyeje Baibulo. (lmd lijiganyo 8 ndime 4)

6. Kwasalila Ŵane Yakusakulupilila

(5 min.) Ngani. ijwfq 49—Mtwe: Ligongo chichi ŵa Mboni sya Yehofa ŵachenjile Yindu Yine Yakusakulupilila? (th lijiganyo 17)

UMI WETU WACHIKLISTU

Nyimbo Na. 76

7. Yampaka Atende Pakulambila kwa Peŵasa

(15 min.) Ngani jakambilana.

Ndaŵi ja Kulambila kwa Peŵasa jikusaŵa jambone mnope kuti achinangolo ‘ŵajamuche ni kwajiganya [ŵanache ŵawo] yakwamba Yehofa.’ (Aef 6:4) Atamose kuti kulijiganya kuli kwakusawusya, nambope mpaka kuŵe kwakusangalasya. Yeleyi mpaka yitendekwe mnopemnope naga ŵanache akusaka kumanyilila yejinji yajikusasala Baibulo. (Yoh 6:27; 1Pe 2:2) Akambilane yayili palibokosi lyakuti “ Yampaka Atende Pakulambila kwa Peŵasa.” Yayili m’libokosili mpaka yakamuchisye achinangolo kuti ndaŵi ja Kulambila kwa Peŵasa jiŵeje jakusangalasya soni jambone pakupeleka malangiso kwa ŵanache ŵawo. Kaneko akambilane yiwusyo ayi:

Payindu yayili m’libokosili ni yapi yakusaka kulinjilila pa Kulambila kwa Peŵasa?

Kwanga
Ana pana yindu yinesoni yayiweni kuŵa yakamuchisya mnope?

Kwanga

YAMPAKA ATENDE PAKULAMBILA KWA PEŴASA

BAIBULO:

Apikanile maloŵe ga mu Baibulo jejambule kapena aŵalanje mwakwesya maloŵe machaputala ga kuŵalanga Baibulo kwa wiki jelejo. Pakuŵalanga jwalijose mpaka aŵalanje maloŵe ga mundu jwinejwakwe jwakumsala mu nganijo
Alinganye yiwusyo yayikukamulana ni machaputala gaŵalasile pakuŵalanga Baibulo kwa wiki jelejo. Jwalijose mwiŵasamo asagule chiwusyo chimo soni awungunye kwanga kwakwe. Pamalisisye mpaka ŵasalile ŵane yindu yalijiganyisye
Awusye chiwusyo kapena asale yakutendekwa yampaka asimane nayo, ni awungunye mfundo sya m’Baibulo pakamulichisya masengo kabuku kakuti Malemba Gakamuchisya Paumi wa Chiklistu
Awilisye kukambilana ngani jinejakwe ja m’Baibulo
Wiki jilijose alembeje malemba gakulekanganalekangana patumapepala, kaneko alinjeje kwinjisya mumtima. Mu wiki jakuyichisya alolesoni tumapepala twaŵalembile mu mawiki gagapite. Gane mwa malembaga mpaka agapate mu yakonjechesya 1 mu mkabuku kakuti Twanonyeleje Ŵandu—Twajiganyeje
Alijiganyeje ngani sine syasili m’buku ja Asangalaleje Mpaka Kalakala
Mpaka amsalile mundu jwa m’liŵasa lyawo kuti akosechele ngani jimo pangani syakuti “ Kwanga kwa Yiwusyo ya m’Baibulo” kapena “Kugalondesya Chenene Malemba ga M’Baibulo,” syasikusimanikwa pa jw.org pambali jakuti“YAJIKUSAJIGANYA BAIBULO.” Pachamalisye kosechelako chasale yakulijiganya pa nganijo

MISONGANO JA MPINGO:

Akosocheleje yimpepe misongano ja mpingo
Akosecheleje soni kulinjilila ndemanga syachakapeleche. Alolejesoni ulewu wandaŵi jakumalila pandemangasyo
Akosecheleje nyimbo sya Uchimwene
Akambilane soni alinjilile yampaka akaŵechete pakumlimbikasya mundu jwine misongano mkanijitande kapena jili jimasile
Naga akwete mbali pa msongano wa mkati mwa wiki alinjilile yakosechele pameso pa ŵandu ŵa m’liŵasa lyawo

KULALICHILA:

Akosecheleje ulaliki wa kunyumba ni nyumba
Akosecheleje maulendo gawo gakuwilisya
Aganichisye ya malo gampaka alalichile mwaupile, soni alinjilile mwampaka atandile kuŵechetana ni mundu
Akambilane yakusosekwa kutenda kuti chatende yejinji pandaŵi ja Chikumbuchilo kapena pandaŵi jachachiŵa pa holide

YAKUSOSEKWA MWIŴASA MWAWO:

Ndaŵi syosope akambilaneje yindu yampaka asimane nayo kapena yasimene nayo ŵandu ŵamwiŵasa mwawo soni yampaka atende pakumalana nayo. Yindu yakwe mpaka yiŵe kwinjilila nawo yandale, kulagasidwa pali kusukulu, kutenda maganja, nambosoni kusangalalila maholide
Ndaŵi sine achinangolo mpaka achenganeje ni ŵanache wawo pakuwungunya. Mpaka ŵasalile ŵanachewo kuti awungunye ngani jinejakwe kaneko ni ŵasalile achinangolowo yapatile

YINDU YINE YAMPAKA ATENDE:

Alolele pologalamu ja JW Broadcasting kaneko akambilane
Aŵalanje ngani kapena alolele fidiyo pa jw.org, kaneko akambilane
Akambilane sine mwa ngani syasikusimanikwa pambali jakuti “Ŵachinyamata Ŵachinandipile Soni Ŵachikulile” kapena “Ŵanache” nganisi sikusasimanikwa pa jw.org pambali jakuti “YAJIKUSAJIGANYA BAIBULO”
Akambilane manosi gaŵalembaga pa msongano wachigawo kapena wadela
Alolechesyeje soni awungunyeje yindu yachilengedwe, kaneko akambilaneje yakulijiganya pakwamba ya Yehofa
Ndaŵi sine mpaka amŵilanje mundu jwine pakulambila kwawo kwa peŵasa pambesi pakwe ni kumwusya yiwusyo
Alembe yakulinga yausimu yakwete, kaneko akambilane yampaka atende kuti ayikwanilisye
Alinjilile kutenda yindu yine yakusayisala m’Baibulo mpela kutaŵa chombo cha Nowa. Nambosoni akambilane mapu gagakusimanikwa mu Baibulo ja Chilambo Chasambano soni m’mabuku getu

Alolele FIDIYO JAKUTI Atendeje Yakuti Kulambila kwa Peŵasa Kuŵeje Kwakusangalasya. Kaneko ŵawusye ŵakupikanila kuti:

Ana jwamlume mpaka atende chichi kuti kulambila kwa peŵasa kuŵeje kwakusangalasya kwa ŵamkwakwe atamose kuti mwiŵasamo mwangali ŵanache?

Kwanga

8. Lijiganyo lya Baibulo lya Mpingo

(30 min.) cl mtwe 14 ¶16-20 libokosi p. 147

Maloŵe Gakumalisya (3 min.) | Nyimbo Na. 15 ni Lipopelo

YAKUTENDEKWA PAMSONGANO WA UTUMIKI NI UMI WETU WACHIKLISTU

Ndandanda ja Utumiki ni Umi Wetu Wachiklistu ja Ogasiti 5-11, 2024

Chiyao