9:62

Namalima jwangakunda kuti yine yakwe yimsokonasye pakusaka kulima misele jagaloka. Mwakulandana ni mundu jwakulima, Aklistu ngakusosekwa kukumbucilagasoni yindu yawayilesile kucilamboku.—Afi. 3:13.

Patukusimana ni yakusawusya mpaka tutande kukumbucilaga ndaŵi jele yindu yatujendelaga cenene mkanitutande usyesyene. Yeleyi mpaka yitutendekasye kunandiya yakusawusya yatwasimanaga nayo ni ganisyaga kuti yindu yaliji cenene pandaŵijo. Yeleyi ni yayatendekwe ni Ayisalayeli ali atyosile ku Iguputo. (Num. 11:5, 6) Naga tuli tutandite kuganisya m’yoyo mpaka yiŵe yangasawusya kuwujila ku yindu ya kucilambo yatwayilesile. M’yoyo tukusosekwa kuganicisyaga ya majali gatukwete nambosoni cisangalalo catucipata msogolo pasi pa Ucimwene wa Mlungu.—2 Akoli. 4:16-18.