Salimo 51 jalembedwe ni Daudi panyuma pakuti jwakulocesya Natani amkamucisye kumanyilila cakulemweceka cekulungwa caŵatesile ni Batiseba. Cikumbumtima ca Daudi camsawusyaga mnope, m’yoyo mwakulinandiya jwasasile yakulemwa yakwe.—2 Sam. 12:1-14.

51:3, 4, 8-12, 17

• Mkanapitikuce mtima soni kusala yakulemwa yakwe, cikumbumtima cakwe camsawusyaga mnope

• Jwalakwe ŵalagasice mumtima paganisya kuti Mlungu calece kumnonyela yayamtendekasisye kuliwona mpela mundu jwele mawupa gakwe gakasice

• Jwalakwe ŵasacilile kuti Yehofa amkululucile, apone mwausimu soni kuti amkamucisye kuŵa jwakusangalala mpela pandanda

• Mwakulinandiya, ŵam’ŵendile Yehofa kuti amkamucisye kusya mtima wakupikanila

• Jwalakwe ŵakwete cikulupi cakuti Yehofa camkululucile