Mafidiyo mpaka gakamule mitima ja ŵandu pakulolela soni kupikanila. Yeleyi yikusakamucisya kuti mundujo akole lung’wanu soni kuti ayiganicisyeje. Panganiji Yehofa ali cisyasyo cambone cakamulicisya masengo yindu yakuwoneka ni meso pakwiganya.—Mase. 10:9-16; Ciu. 1:1.

Mafidiyo gakuti Ana Mlungu Akwete Lina?, Ana Mkulemba jwa Baibulo Ali Nduni?, soni jakuti Ana Mpaka Tusimicisye Catuli Kuti Baibulo Jikusasala Yisyesyene? gakwilana ni lijiganyo 2 ni 3 m’kabuku ka Ngani Syambone. Mafidiyo gakuti Ligongo cici Tukusosekwa Kulijiganya Baibulo?, Ana pa Lijiganyo lya Baibulo Pakusatendekwa Yatuli?, soni jakuti Ana ku Nyumba ja Ucimwene Kukusatendekwa Yatuli? gakusiŵalimbikasya ŵandu kuti alijiganyeje Baibulo ni m’weji kapena kutanda kwawula ku misongano ja mpingo. Mpaka tukamulicisyesoni masengo mafidiyo gamalewulewu pakwiganya pa majiganyo ga Baibulo.—km-CN 5/13 peji 3.

• Ajigale mkanipaŵe fidiyo jakusaka kuja kumlosya msyenenyumba

• Akosecele ciwusyo cimo kapena yiŵili yele kwanga kwakwe kukusimanikwa mu fidiyojo

• Alolele yalumo fidiyojo

• Atagulilane songa syekulungwakulungwa sya mu fidiyojo

• Amlosye kumbesi kwa kamo mwa tumapepala ni kumsalila kuti ajambule kacidindo kampaka kam’wugulile fidiyo jakuti Ligongo Cici Tukusosekwa Kulijiganya Baibulo?

• Amlosye fidiyo jakuti Ana Mpaka Tusimicisye Catuli Kuti Baibulo Jikusasala Yisyesyene? soni amgaŵile kabuku ka Ngani Syambone. Amsalile alole lijiganyo 3