UMI WETU WACIKLISTU
Kogoya kwa Malo Gakungulucila ga pa Intaneti
YATUKUSOSEKWA KUMANYILILA: Malo gakungulucila ga pa intaneti gana umbone soni kogoya kwakwe. Kamulicisya masengo maloga Aklistu ŵane akuweni kuŵa kwangaŵajilwa. Nambo Aklistu ŵane akusakamulicisya masengo maloga, pakukunguluka ni ŵamwiŵasa mwawo, kapena acimjawo. Nambope, Satana akusasaka kuti tukamulicisyeje masengo maloga mwangaŵajilwa, yampaka yijonanje mbili jetu nambosoni unasi ŵetu ni Yehofa. Kuti tumanyilile soni kuŵambala yindu yakogoya, tukusosekwa kamulicisya masengo yiwundo ya m’maloŵe ga Mlungu mpela muŵatendelaga Yesu.—Luk. 4:4, 8, 12.
YATUKUSOSEKWA KUŴAMBALA:
-
Kamulicisya masengo malo gakungulucila ga pa intaneti mwakupundanganya. Kumalila ndaŵi jelewu tuli mkukunguluka ni acimjetu pa intaneti mpaka kutumalile ndaŵi jakutendela yindu yausimu
Yiwundo ya m’Baibulo: Aef. 5:15, 16; Afi. 1:10
-
Kulolela yindu yangaŵajilwa. Kulolela yiwulili ya ŵandu ŵanganawala cenene, mpaka kututendekasye kusacilila kulolela yakuŵagula kapena kutenda yamsese. Kuŵalanga ngani sya ŵandu ŵapanduce, kapena kwinjila pa ma webusayiti gangaŵajilwa mpaka kujonanje cikulupi cetu
Yiwundo ya m’Baibulo: Mat. 5:28; Afi. 4:8
-
Kutumicisyana ngani kapena yiwulili yangaŵajilwa. Ligongo lyakuti mtima uli wakulambusya, mundu mpaka ajigalice ni kutanda kwatumicisya ŵane ngani kapena yiwulili yangaŵajilwa pa intaneti. Soni kutenda yeleyi mpaka kujonanje mbili ja mundu kapena kumkuŵasya mwa usimu
Yiwundo ya m’Baibulo: Alo. 14:13; Aef. 4:29
ALOLELE FIDIYO JAKUTI AKAMULICISYEJE MASENGO MWALUNDA MALO GAKUNGULUCILA GA PA INTANETI, KANEKO ATAGULILANE MWAMPAKA TUŴAMBALILE YINDU YAKUYICISYAYI: