LIGONGO LYAKWE YAYILI YAKUSOSEKWA: Kulijiganya pajika Maloŵe ga Mlungu mpaka kutukamucisye “kupakombola kumanyilila citando cakwe ni ulewu wakwe, cikwesya cakwe ni kwendelela kwakwe” kwa usyesyene. (Aef. 3:18) Mpaka litukamucisye kuŵa ŵakulupicika pasikati pa ŵandu ŵakusakala soni kupitilisya “kukamula mwamacili maloŵe ga umi.” (Afil. 2:15, 16, NW) Kulijiganya Maloŵe ga Mlungu kukusatukamucisya kuti tusaguleje cenene yindu yatukusosecela. Ana mpaka tutendeje uli kuti tupindule pandaŵi jatukuŵalanga soni kulijiganya Baibulo?

MWAMPAKA TUTENDELE:

• Mpaka alembe msela pasi pa maloŵe ga lilemba lyakuŵalanga soni kulembaga nosi mukope kapena pafoni jawo

• Aliwusyeje yiwusyo ayi pakuŵalanga Maloŵe ga Mlungu: Ŵani? Cici? Cakaci? Kwapi? Ligongo cici? Mwamtuli?

• Apateje umboni usyesyene. Pakamulicisya masengo yida yayipali, awungunyeje pakamulicisya masengo mtwe kapena lilemba

• Aganicisyeje mwakusokoka yaŵalasile kuti apate yampaka ayikamulicisye masengo

• Akamulicisyeje masengo yalijiganyisye paumi wawo lisiku lililyose..​—Luk. 6:47, 48

ALOSYE FIDIYO JAKUTI APITILISYE “KUKAMULA MWAMACILI”​—KUPITILA PA LIJIGANYO LYAPAJIKA LYAKAMULA MTIMA, KANEKO AJANJE YIWUSYO YAKUYICISYAYI:

• Ana ŵane aŵecete yamtuli pakwamba ya lijiganyo lyapajika?

• Ligongo cici ndaŵi syosope tukusosekwa kutanda ni lipopelo patukutenda lijiganyo lyapajika?

• Ana ni cici campaka citukamucisye kupikanicisya cenene ndime ja m’Baibulo?

• Ana mpaka tukamulicisye masengo mitundu japi patukucekenela Baibulo palijiganyo lyapajika?

• Ligongo cici kuganicisya mwakusokoka kuli kwakusosekwa mnope patukulijiganya Maloŵe ga Mlungu?

• Ana tutendeje cici ni yatulijiganyisye?