LIGONGO CHICHI KULI KWAKUSOSEKWA: Ŵandu ŵangalola ŵajinji yikusiyasawusya kuŵa ŵagopoka kuŵechetana ni ŵandu ŵachilendo. Myoyo tukusosekwa kola luso kuti twalalichile ŵandu ŵeleŵa. Yehofa akusiŵaganichisyaga ŵandu ŵangalolaŵa. (Lef. 19:14) Mpaka tusyasye chisyasyo cha Yehofa mwakujigala mbali pakwakamuchisya ŵangalola kuti aŵe paunasi ni Yehofa.

MWAMPAKA TUTENDELE:

• “Kuwuchisya kapena kuti Kusosasosa” ŵandu ŵangalola. (Mat. 10:11) Ana akulimanyilila liŵasa lyalikwete mundu jwangalola? Ana mu gawo jawo mwana sukulu kapena bungwe jajikusakamuchisya ŵandu ŵangalola kapena nyumba jakusunjila ŵandu ŵangalola ŵampaka asache mabuku ga ŵangalola?

• Tulosyeje lung’wanu. Mpaka amkamuchisye mundu jwangalola kuŵa jwagopoka naga akuŵa ŵakunguluchika yisyesyene soni kuti akusasamala ya jwalakwejo. Alinje kukambilana ngani jine jwakwe jampaka jimtendekasye lung’wanu.

• Twakamuchisyeje mwa usimu. Likuga likopwesye mabuku gakulekanganalekangana pakusaka kwakamuchisya ŵandu ŵangalola soni ŵandu ŵakusalepela kulola chenene. Amwusyeje mundu jwangalola jwalijose kuti asale litala lyampaka asache kulijiganyichisya. Jwakulolela undumetume akusosekwa kusimichisya kuti jwakutumicila jwakulolela ya mabuku aŵilasisye mabuku gakusaka jwangalola jwalijose.