Maloŵe ga Mlungu gakwete machili. (Aheb. 4:12.) Mpaka gayiche pa mtima ŵandu ŵangammanyilila Mlungu. (1 Ates. 1:9; 2:13.) Tukusaŵa ŵakusangalala mnope naga mundu jwine akulosya kuti akuyamichila usyesyene wa m’Baibulo watumlosisye.

ALOLELE FIDIYO JAKUTI, TUSANGALALEJE NI MASENGO GAKWIGANYA ŴANDU BAIBULO—TUJONGOLELE KAJIGANYE KETU—TWAKAMUCHISYEJE ŴANDU KUGAMANYILILA CHENENE MALOŴE GA MLUNGU, KANEKO AJANJE YIWUSYO AYI:

• Ana Nita alosisye chamtuli machili ga Maloŵe ga Mlungu pakumkamuchisya Jedi kuti akamulichisyeje masengo Maloŵe ga Mlungu pakusagula yakutenda?

• Ana Nita akamulichisye masengo chamtuli machili ga Maloŵe ga Mlungu paŵalasileje lilemba mwakwesya maloŵe ni kulondesya fundo jekulungwa ja lilembalyo?

• Ana ni chichi chachikulosya kuti lilembali limkamwile mtima Jedi soni yeleyi yimkwayiye chamtuli Nita?