Yehofa ali ‘Mlungu jwakusangalala,’ myoyo akusasakasoni kuti wawojo asangalaleje pali mu utumiki. (1 Tim. 1:11.) Mpaka tuŵe ŵakusangalala naga tukusajongolela kajiganye ketu. Kuwusya yiwusyo mpaka kwatendekasye ŵandu kukola chidwi soni mpaka kututendekasye kuti tutande kukambilana nawo mwangasawusya. Yiwusyo yikusiyatendekasya ŵandu kuganichisya soni kutendapo kandu. (Mat. 22:41-45) Kwawusya ŵandu yiwusyo ni kwapikanilaga pakwanga yikusaŵa mpela tukwasalila kuti, ‘Ali ŵakusosekwa mnope kwa une.’ (Yak. 1:19.) Mwakwanjila mundujo mpaka yitukamuchisye kumanyilila yampaka tutende pakukambilana najo.

ALOLELE FIDIYO JAKUTI, TUSANGALALEJE NI MASENGO GAKWAJIGANYA ŴANDU BAIBULO—TUJONGOLELE KAJIGANYE KETU—TUWUSYEJE YIWUSYO, KANEKO AJANJE YIWUSYO AYI:

• Ana Jedi jwalosisye ndamo syambone syamtuli?

• Ana Nita akamulichisye masengo chamtuli yiwusyo kuti amtendekasye chidwi Jedi?

• Ana Nita akamulichisye masengo chamtuli yiwusyo pakusaka kumlalichila Jedi?

• Ana Nita akamulichisyeje masengo chamtuli yiwusyo pakusaka kumkamuchisya Jedi kuganichisya soni kutendapo kandu?