Yehofa akusaka kuti tumtumichileje jwalakwe ligongo lyakuti tukusamnonyela. (Mat 22:37, 38) Ŵatukusitwajiganya Baibulo pakumnonyela Mlungu yichakamuchisya kuti achenje ndamo syawo soni kuti aŵe ŵakulimba pakusimana ni yakusawusya. (1Yo 5:3) Kumnonyela Mlungu kuchatendekasya jemanjaji kubatisidwa.

Ŵakamuchisyeje ŵakusiŵajiganya kumanyilila kuti Mlungu akusiŵanonyela. Ŵawusyeje yiwusyo mpela yakuti: “Ana yeleyi yikwajiganya chichi pakwamba ya Yehofa?” kapena “Ana yeleyi yikulosya uli kuti Mlungu akusiŵanonyela?” Ŵakamuchisyeje ŵakusiŵajiganya kuti ayiwoneje yakutenda Yehofa pakwakamuchisya jemanjajo pajika. (2Mb 16:9) Ŵasalileje yaŵele ali mkutenda Yehofa pakwanga mapopelo ga wawojo. Ŵalimbikasyejesoni kuti ayiwoneje yakutenda Yehofa pakwanga mapopelo ga jemanjajo. Ŵakulijiganya ŵetu pamanyilile kuti Yehofa akusiŵanonyela, nombe nawo akusatanda kumnonyela jwalakwe. Soni pakulosya kuti akusaka kuŵa paunasi ni jwalakwejo, m’weji tukusasangalala mnope.

ALOLELE FIDIYO JAKUTI TWAKAMUCHISYEJE ŴAKULIJIGANYA BAIBULO KUTI AKUSYEJE UNASI WAWO NI YEHOFA, KANEKO AJANJE YIWUSYO AYI:

• Ana Jedi jwasimene ni chakusawusya chapi?

• Ana Nita ŵamkamuchisye uli Jedi

• Ana Jedi jwakombwele uli kumalana ni chakusawusyachi?