Epulo 29–Meyi 5
MASALIMO 34-35
Nyimbo 10 ni Lipopelo | Maloŵe Gandanda (1 min.)
1. “Tinjatogolela AMBUJE Ndaŵi Syosope”
(Mamin. 10)
Daudi jwamyamichilaga Yehofa atamose pandaŵi jaŵasimanaga ni yakusawusya (Sal 34:1; w07 3/1 22 ¶11)
Daudi jwapokaga mwa Yehofa mmalo mwakulilapilila msyene (Sal 34:2-4; w07 3/1 22 ¶13)
Yaŵasasile Daudi pakumyamichila Mlungu, yalimbikasisye achimjakwe (Sal 34:5; w07 3/1 23 ¶15)
Daudi paŵatyosile kwa Abimeleki, achalume 400 ŵanganasangalalaga ni uchimwene wa Mwenye Sauli ŵamkuyisye Daudi ku chipululu. (1Sa 22:1, 2) Komboleka kuti Daudi jwaganichisyaga ya achalume ŵeleŵa paŵalembaga salimoji.—Sal 34, tumaloŵe twapenani.
ALIWUSYE KUTI, ‘Ana pachinjijawula kumisongano ja mpingo mu wiki jakuyichisyaji mpaka ngalosye chamtuli kumyamichila Yehofa panguŵechetana ni ŵandu?’
2. Mfundo Syakamuchisya
(Mamin. 10)
-
Sal 35:19—Ana Daudi pajwamŵendile Yehofa kuti akasiŵakunda adani ŵakwe kuti ‘amlole chamumbali mwakunyosya’ jwagopolelaga chichi? (w06 5/15 20 ¶2)
-
Ana ni yindu yapi yapatile pakuŵalanga Baibulo kwa wiki ajino yakusaka kwasalila ŵane?
3. Kuŵalanga Baibulo
(Mamin. 4) Sal 34:1-22 (th lijiganyo 5)
4. Kutanda Kuŵechetana ni Mundu
(Mamin. 2) KULALICHILA MWAUPILE. Akumalisya kuŵechetana ni mundu nambo mkanaŵe kumlalichila. (lmd lijiganyo 1 ndime 4)
5. Kutenda Ulendo Wakuwilisya
(Mamin. 4) KULALICHILA MWAUPILE. (lmd lijiganyo 2 ndime 4)
6. Kwasalila Ŵane Yakusakulupilila
(Mamin. 5) Chisyasyo. ijwfq 59—Mtwe: Ana ŵa Mboni sya Yehofa Akusamanyilila Chamtuli Kuti Mpaka Atende Nawo Yisangalalo Yineyakwe? (th lijiganyo 17)
Nyimbo 59
7. Yindu Yitatu Yampaka Tutende Pakumlumba Mlungu Patuli Pamisongano
(Mamin. 15) Ngani jakambilana.
Misongano ja mpingo jikusatupa upile wakumlumba Yehofa. Atendeje yindu yitatu yakuyichisyayi payiche ku misongano.
Apateje ndaŵi jakunguluka ni Aklistu achimjawo: Pakukunguluka ni achimjawo, ŵasalileje yindu yambone yakutenda Yehofa. (Sal 145:1, 7) Ana pakwete papikene kapena kuŵalanga ngani jinejakwe jajakamuchisye mnope? Ana pandaŵi jaŵalalichilaga ŵasimene ni yindu yakusangalasya? Ana mundu jwine pakwete paŵalimbikasisye kupitila mu yakuŵecheta yakwe kapena yitendo yakwe? Ana pana yindu yine yachilengedwe yaŵayiweni yayasangalesye mnope? Yindu yosopeyi yili mtuka wakutyochela kwa Yehofa. (Yak 1:17) Myoyo, ayicheje mwachitema pamisongano nichakulinga chakuti apate ndaŵi jakunguluka ni abale ni alongo.
Ajanjeje: Pamsongano uliwose, atendeje yakuti ajanjeje atamose ndemanga jimo. (Sal 26:12) Pawusisye chiwusyo mpaka ajanje mwachinduchi kapena kupeleka ndemanga sine syakonjechesya, mpaka alondesye lilemba, chiwulili kapena kusala mwampaka tukamulichisye masengo mfundo syatukulijiganya. Akosecheleje ndemanga syejinji ligongo ŵajinji akusakosechela kuti nombenawo akajanje. Naga akupeleka ndemanga jawo kwa masekondi 30 kapena ngakwana, nikuti ŵandu ŵajinji mpaka akombole ‘kumchimbichisya Mlungu ndaŵi syosope, yayili mpela kupeleka mbopesi.’—Aheb 13:15.
Ajimbeje nyimbo: Ajimbeje nyimbo sya Uchimwene mwakusangalala. (Sal 147:1) Mpaka yiŵe yakusawusya kuti ŵalanjile kuti ajanje pamsongano uliwose mnopemnope naga mumpingo mwawo mwana ŵandu ŵajinji. Nambope mpaka yikomboleche kwimbila yimpepe nyimbo. Atamose ali mkuliwona kuti ngakusajimba chenene, akakayichilaga kuti Yehofa akusasangalala mnope ligongo lyakulimbichila kwawo kwimba. (2Ak 8:12) Myoyo akosecheleje kwimba nyimbo pali kunyumba jawo.
Alolele FIDIYO Yayiŵele Yili Mkutendekwa mu Gulu Jetu—Nyimbo, Mbali 1. Kaneko ŵawusye ŵakupikanila chiwusyo achi:
Ana chakundanda kwene kwa gulu jetu ja masiku agano, twalosisye chamtuli kuti kumjimbila nyimbo Yehofa kuli kwakusosekwa mnope?
8. Lijiganyo lya Baibulo lya Mpingo
(Mamin. 30) cl mtwe 10 ¶1-7
