Pa Cikumbucilo ca pa March 23, tukwembeceya kupocela acalendo ŵakwana 12 miliyoni kapena kupunda pelepa. Jemanjanji cacisangalala mnope kupikanila ngani jakutagulila ya mtuka waciwombolo caŵapelece Yehofa soni gane mwa majali gatucipata. Welewu uciŵa umboni wakwanila. (Yes. 11:6-9; 35:5, 6; 65:21-23; Yoh. 3:16) Nambope, pa Cikumbuciloci ngaŵa jwakuŵeceta ngani jika ni jucacitendela umboni. Ni m’we ŵakwe tucikola upile wakutendela umboni pakupocela mwakusangalala ŵandu ŵayice. (Alo. 15:7) Kwende tulole yampaka tutende.

• M’malo mwakuwutucila kuja kutama pamalo petu ni kwembeceyaga kuti yosope yitande, tucisosekwa kuja kwapocela mwakusangalala acalendo soni ŵandu ŵaŵalesile kulalicila

• Tukasakola lung’wanu ni ŵandu ŵatukumanyigana nawope ŵatwaŵilanjile, nambo tukolejesoni lung’wanu ni ŵane ŵayice ligongo lyakuti ŵapocele kapepala kakwaŵilanjila ku Cikumbucilo. Tucisosekwa kulolaga nawo Baibulo jetu, soni kwimbila yimpepe nyimbo

• Pambesi pangani, ŵasalile kuti naga akwete yiwusyo wawojo ali ŵakoseka kwanga. Naga nganakola ndaŵi jakwanila ligongo lyakuti mpingo wine ciwutendelesoni Cikumbucilo pamalopo, alinganye yakuti casimanesoni ni mundujo mkanigamale masiku gejinji. Naga ngakumanyilila kwakusatama, mpaka ajile kuti, “Ngusaka casalile yasangalele nayo lelo. Ana mpaka nasimane catuli?”