25:1-12

Atamose kuti Yesu jwaŵecetaga ya citagu ca aciŵali 10 kwa ŵakumkuya ŵakwe ŵasagulwe, yaŵasasileyi yikutukwaya Aklistu wosope. (w15 3/1 13-17) “M’yoyo, m’ŵeje mesope, pakuŵa ngamkumanyilila lisiku kapena ndaŵi jakwe.” (Mat. 25:13) Ana mpaka atagulile citagu ca Yesuci?

• Mlombela (ndime 1)—Yesu

• Aciŵali ŵakalamuka ŵakosecele (ndime 2)—Aklistu ŵasagulwe ŵakosecele kutenda undumetume wawo mwakulupicika soni ali ŵakuŵala mpela yakumulicila mpaka pambesi (Afi. 2:15)

• Kugumila: “Mlombela jula ayice!” (ndime 6)—Umboni wa kuŵapo kwa Yesu

• Aciŵali ŵakuloŵela (ndime 8)—Aklistu ŵasagulwe ŵakwawula kukusimana ni Mlombela nambo nganaŵa mesope soni ngakwendelecela kuŵa ŵakulupicika

• Aciŵali ŵakalamuka akukana kwagaŵila aciŵali ŵakuloŵelawo mawuta (ndime 9)—Panyuma pa cidindo cakumalisya yiciŵa yangakomboleka kuti Aklistu ŵasagulwe ŵakulupicika amkamucisye jwalijose jwajwalesile kulupicika

• “Mlombela jwayice” (ndime 10)—Yesu caciyika kumbesi kwa yisawusyo yakogoya kukulamula

• Aciŵali ŵakalamuka akwinjila m’nyumba mwakutendela cindimba pampepe ni mlombela, kaneko mlango ukuwugalidwa (ndime 10)—Yesu akwasonganganyila kwinani Aklistu ŵasagulwe ŵakulupicika, nambo Aklistu ŵangakulupicika akwasa mbote jawo ja kwinani