• Akamulicisye masengo Adilesi jawo. Naga akuyiwona kuti ngaŵa yakuŵajilwa kamulicisya masengo adilesi jawo, mpaka akamulicisye masengo adilesi ja pa Nyumba ja Ucimwene naga acakulungwa akundile kamulicisya masengo adilesijo. Nambope, AKASALINGA kamulicisya masengo adilesi ja ku ofesi ja nyambi mpela adilesi jawo.

• Akamulicisye masengo lina lya mundujo naga akulimanyilila. Yeleyi mpaka yimkamucisye kumanyilila kuti cikalataco cili cakwe.

• Alolecesyeje kuti maloŵe galigose agalembile cenene, soni mwakamulana ni ciŵecetoco. Cikalataco ciŵeje cakusalala. Naga alembile payala, ciŵeje cangasawusya kuciŵalanga. Akalemba mwagopoka mnope kapena kulemba mpela cikalata cakuwucisya masengo.

Cikalata ca cisyasyoci cikulosya mwampaka tutendele yeleyi. Nambo yeleyi ngayikugopolela kuti ndaŵi syosope agambeje kopela cikalataci pakwalembela ŵandu ŵamumkuli mwawo. Alembeje yikalata yawo mwakamulana ni cakulinga cakwe soni mwayiŵelele yindu mumkuliwo nambosoni kwa ŵandu ŵakwalembelawo.