JW Library jili pologalamu jalulele jampaka jakamucisye kujigala yindu mpela Baibulo, mabuku gane, mafidiyo soni yindu yakwamba kupikanila ni kuyiŵika mu foni, tabuleti kapena kompyuta.

YAMPAKA ATENDE KUTI AJIGALE POLOGALAMUJI: Pakamulicisya masengo intaneti, ajawule palembile kuti app store mu foni, tabuleti kapena mu kompyuta jawo, kaneko ajigale pologalamu ja JW Library. Ali pa intaneti, awugule pologalamu ja JW Library ni ajigale mabuku ni yindu yine yakusaka. Naga kunyumba kwawo kwangali intaneti mpaka ajawule kwajikusimanikwa, cinga ku Nyumba ja Ucimwene, ku nyumba ja mjawo, ku layibulale ja boma, kapena malo gakulila yakulya gagaŵandicile. Naga ajigele mabuku pa foni jawo ngakusosekwasoni kulumbikanya ku intaneti kuti agaŵalanje. Pa JW Library caŵicejepo yindu yasambano ndaŵi ni katema. Kuti akomboleje kujigala yinduyi akusosekwa kujigala JW Library jasambano mnope pa intaneti.

UMBONE WA POLOGALAMUJI Pologalamu ja JW Library mpaka jitukamucisye pa kulijiganya Baibulo kwa jika mwangasawusya nambosoni kamulicisya masengo pamisongano ja mpingo. Soni mpaka tujikamulicisye masengo pakulalicila mwaupile.