KULIPELEKA MU UTUMIKI WA MUMGUNDA | ASANGALALEJE PALI MU UTUMIKI
Tujiganyeje Mwakulosya Kuti Tukuyinonyela Yatukwiganya
Yili yakusosekwa mnope kuti tujiganyeje mwakulosya kuti tukusayinonyela yatukwiganyayo. Yeleyi yikusakamuchisya kuti ŵandu ŵakutupikanila akoleje chidwi. Yikusalosyasoni kuti tukusanonyela mnope yatukwiganya. Mwangasamala kandu ni mtundu wetu kapena ndamo jetu mpaka tukombole kutenda yeleyi. (Alo. 12:11) Ana mpaka tutende chamtuli yeleyi?
Chandanda, awuwoneje utenga wawo kuti uli wakusosekwa. Amanyilileje kuti akwete upile “ŵakulalichila Ngani Syambone.” (Alo. 10:15) Chaŵili, tuganichisyeje yindu yambone yampaka apate ŵandu ŵatukwalalichila. Jemanjaji akusasosechela kuti apikene ngani syambone. (Alo. 10:13, 14) Kaneko, ngope soni makono gawo yilosyeje kuti akuŵecheta mwangakayichila.
ALOLELE FIDIYO JAKUTI, TUSANGALALEJE NI MASENGO GAKWIGANYA ŴANDU BAIBULO—TUJONGOLELE KAJIGANYE KETU— TUJIGANYEJE MWAKULOSYA KUTI TUKUYINONYELA YATUKWIGANYA, KANEKO AJANJE YIWUSYO AYI:
-
Ana Nita jwalepele chamtuli kumlimbikasya Jedi?
-
Ana chichi chachamkamuchisye Nita kuti ajiganyeje mwakulimbikasya?
-
Kuŵecheta mwakulimbikasya kukusayika ŵandu pamtima
Ligongo chichi tukusosekwa kuŵika nganisyo syetu pa yindu yambone yakusatenda ŵandu ŵatukusajiganya?
-
Naga tukusalimbikasya ŵandu ŵatukusajiganya Baibulo, ana yeleyi mpaka yakamuchisye chamtuli jemanjaji?
