Paulendo wawo wakuwilisya kapena pakutendesya lijiganyo lya Baibulo akusosekwa kumkamuchisya jwakulijiganya jwawo kupikanichisya mfundo syekulungwa sya munganijo. Patukutenda yeleyi mpaka tumyiche pamtima jwakulijiganya jwetu soni mpaka yiŵe yangasawusya kuti akumbuchileje yalijiganyisye.

Pakukosechela kwawula ku ulendo wakuwilisya kapena kuja kutendesya lijiganyo lya Baibulo, akosecheleje chenene mfundo syekulungwa. Asagulejesoni yisyasyo yangasawusya kuyipikanichisya. (Mat. 5:14-16; Mak. 2:21; Luk. 14:7-11) Ammanyilileje chenene jwakulijiganya Baibulo jwawo. (Luk. 5:2-11; Yoh. 4:7-15) Pakuyiwona kuti jwakulijiganya jwawo akupikanichisya yakumjiganya, wawojo chachiŵa ŵakusangalala mnope.

ALOLELE FIDIYO JAKUTI, TUSANGALALEJE NI MASENGO GAKWAJIGANYA ŴANDU BAIBULO—TUJONGOLELE KAJIGANYE KETU—TUKAMULICHISYEJE MASENGO YIWANICHISYO PAKWIGANYA MFUNDO SYEKULUNGWA, KANEKO AJANJE YIWUSYO AYI:

• Ligongo chichi jwakulijiganya Baibulo akusasosechela kumkamuchisya kuti apikanichisyeje Malemba?

• Ana Nita jukamulichisye masengo chamtuli lilemba lya Aloma 5:12?

• Ana yiwanichisyo yambone yikusakamuchisya chamtuli ŵakulijiganya ŵetu?

• Ligongo chichi tukusasosekwa kamulichisya masengo mafidiyo soni yindu yakwiganyila yalikusapeleka gulu ja Yehofa patuli mu utumiki?