Ligongo lyakuti tuli ŵandu ŵangali umlama ndaŵi syejinji yikusatusawusya kulilekasya pa yindu yatukusakumbila. Yehofa mpaka aleche kutunonyela naga tukusatenda yiliyose yatukusaka. Mwachisyasyo, ŵandu ŵane akusakunda kuti yakulya, yakuwala soni nyumba yalepelekasyeje kumnonyela Yehofa. Ŵane ŵangakuya mfundo sya Yehofa pangani jagonana. Jemanjaji akusagamba kutenda yawukusaka mtima wawo. (Alo 1:26, 27) Pele ŵane akusagamba kutenda yakusaka achimjawo ni chakulinga chakuti ŵanonyeleje.—Eks 23:2.

Ana mpaka tutende uli kuti tukomboleje kulilekasya pa yindu yatukusakumbila? Tupitilisyeje kutenda yindu yayikusamsangalasya Yehofa. (Mt 4:4) Nambosoni tumŵendeje Yehofa kuti atukamuchisyeje kukombola kulilekasya. Ligongo chichi tukuti myoyo? Ligongo lyakuti jwalakwe akusamanyilila yindu yampaka yitukamuchisye soni akusatupa yindu yambone yawukusaka mtima wetu.—Sal 145:16.

ALOLELE FIDIYO JAKUTI AŴAMBALEJE KWEMBA SOONA, KANEKO AKAMBILANE YIWUSYO AYI:

• Ligongo chichi ŵandu ŵane akusakwemba soona?

• Ana kwemba soona kuli kwakogoya chamtuli?

• Ligongo chichi kwemba soona kuli kwakusakala?—2Ak 7:1

• Ana mpaka atende uli kuti akatanda kwemba soona? Ana mpaka atende uli kuti aleche kwemba soona?