Kulalichila mwaupile lili litala lyakusangalasya soni likusakola yakuyichisya yambone. Nambope, patukuŵechetana ni mundu mpaka tutendeje woga naga tukuganichisya mnope yampaka tuŵechete kuti tumlalichile. Myoyo agambeje kuŵechetana mwagopoka ni mundujo mmalo mwakudandawula mnope ni yampaka atende kuti amlalichile. (Mat 22:39; Afi 2:4) Naga upile upatikene wakuti asale yakusakulupilila, nikuti mpaka akombole kumlalichila pakamulichisya masengo Yindu Yakwiganyila yatukwete.

Ana Yindu Yakwiganyila yakuyichisyayi mpaka yakamuchisye chamtuli kuti akombole kumlalichila mundu jwakuŵechetana najo?

ALOLELE FIDIYO JAKUTI “CHISYANO CHIKUSAŴATIKA CHISYANO CHIJAKWE—KUTANDA KUKAMBILANA NI ŴANDU, KANEKO AJANJE CHIWUSYO ACHI:

Ana ni matala gatatu gapi gampaka gatukamuchisye kuti tutandeje kukambilana ni ŵandu mwangasawusya?