“AMBUJE akusasangalala nawo ŵandu ŵakwe.” (Sal 149:4) Atamose kuti tuli ŵangali umlama nambope Yehofa akusalola ndamo syambone syatukwete soni yindu yampaka tukombole kutenda. Nambope ndaŵi sine mpaka yitusawusyeje kuti tuliwoneje mpela mwakusatuwonela Yehofa. Mpaka tuliwoneje kuŵa ŵangali mate ligongo lya yindu yakusatutendela ŵane. Kapenasoni, naga tukusaganichisya mnope yindu yatwalemwisye mpaka yitutendekasye kukayichila yakuti Yehofa akusatunonyela. Naga yeleyi ni yayikututendechela, ana ni yindu yapi yampaka yitukamuchisye?

Tukumbuchileje kuti Yehofa akusalola yindu mwakulekangana ni mwakusayiwonela ŵandu. (1Sa 16:7) Yeleyi yikugopolela kuti jwalakwe akusatumanyilila chenene kulekangana ni mwatukusalimanyilila m’weji. Yili yakusangalasya kuti Baibulo jikusatukamuchisya kumanyilila mwakusatendela Yehofa yeleyi. Kuti tupikanichisye yeleyi, tuŵalanjeje ngani sya m’Baibulo syasikulosya yaŵatendaga Yehofa pakwanonyela ŵakutumichila ŵakwe.

ALOLELE FIDIYO JAKUTI ASIMICHISYEJE MUMTIMA MWAWO KUTI YEHOFA NGAKWAJIMBA MAGAMBO, KANEKO AJANJE YIWUSYO AYI:

• Ana chisyasyo cha mwanache jwakuwutuka soni babagwe chikutujiganya chichi pakwamba mwakusatuwonela Yehofa?

  Your answer

• Naga mundu juŵatesile ulemwa wekulungwa atesile yosope yakusosekwa kuti aŵesoni paunasi ni Yehofa, ana mpaka asimichisye chamtuli kuti jwalakwe ngakumjimbasoni magambo?—1Yo 3:19, 20

  Your answer

• Ana kuŵalanga soni kuganichisya ngani ja Daudi soni Yehosafati kwamkamuchisye chamtuli m’bale jwa mufidiyoji?

  Your answer