Meyi 20-26
MASALIMO 40-41
Nyimbo Na. 102 ni Lipopelo | Maloŵe Gandanda (1 min.)
1. Ligongo Chichi Tukusosekwa Twakamuchisyeje Ŵane?
(10 min.)
Tukusaŵa ŵakusangalala patukwakamuchisya ŵane (Sal 41:1; w18.08 22 ¶16-18)
Yehofa akusiŵakamuchisya ŵandu ŵakusiŵakamuchisyagasoni ŵane (Sal 41:2-4; w15 12/15 24 ¶7)
Patukwakamuchisya ŵane, ŵandu akusamchimbichisya Yehofa (Sal 41:13; Mis 14:31); w17.09 12 ¶17)
ALIWUSYE KUTI, ‘Ana mumpingo mwangusasongana mwana jwalijose jwakusosekwa kumkamuchisya kuti akomboleje kukamulichisya masengo JW Library ?’
2. Mfundo Syakamuchisya
(10 min.)
-
Sal 40:5-10—Ana lipopelo lya Daudi likutujiganya chichi pangani jakuwuwona ulamusi wa Yehofa kuŵa wekulungwa mnope? (it-2 16)
-
Ana ni yindu yapi yapatile pakuŵalanga Baibulo kwa wiki ajino yakusaka kwasalila ŵane?
3. Kuŵalanga Baibulo
(4 min.) Sal 40:1-17 (th lijiganyo 12)
4. Kutanda Kuŵechetana ni Mundu
(3 min.) KULALICHILA MWAUPILE. Atande kuŵechetana ni mundu jwakuwoneka kuti akusangalala mnope. (lmd lijiganyo 2 ndime 3)
5. Kutanda Kuŵechetana ni Mundu
(4 min.) KULALICHILA MWAUPILE. Atande kuŵechetana ni mundu jwakuwoneka kuti atumbile mnope. (lmd lijiganyo 3 ndime 5)
6. Twajiganyeje Ŵandu
(5 min.) lff lijiganyo 14 kamtwe 6. Akambilane mfundo jimo ni jwakulijiganya Baibulo jwawo jwakusakana kwika pamisongano pa ngani jakuti “Amlumbeje Yehofa Mumpingo” kutyochela pa mbali jakuti “Yakulinga Yinesoni.” (th lijiganyo 19)
Nyimbo Na. 138
7. Twatendeleje Yambone Ŵachikulile
(15 min.) Ngani jakambilana.
Yehofa akusayamichila mnope masengo gakusakamula mumpingo abale ni alongo ŵachikulile. M’wejisoni tukusayamichila abale ni alongo ŵakulupichikaŵa. (Ahe 6:10) Jemanjaji aŵele ali mkwajiganya soni kwalimbikasya aklistu achimjawo kwa yaka yejinji. Ngatukukayichila kuti akukumbuchila yindu yine yaŵatesile ŵachikulileŵa pakwakamuchisya wawojo. Ana mpaka alosye chamtuli kwayamichila ŵachikulileŵa pamasengo gekulungwa gaŵele ali mkutenda mumpingo?
Alolele FIDIYO JAKUTI ‘Twatendeleje Yambone Abale Ŵetu.’ Kaneko ŵawusye ŵakupikanila yiwusyo ayi:
-
Ana m’bale Ji-Hoon ŵalijiganyisye chichi kutyochela kwa m’bale Ho-jin Kang?
-
Ligongo chichi akusiŵawona abale ni alongo ŵachikulile kuŵa ŵakusosekwa mnope?
-
Ana ngani ja Msamaliya jwachanasa jikutujiganya chichi?
-
Ligongo chichi mpaka tujile kuti m’bale Ji-Hoon jwatesile chenene kwajigala ŵandu ŵane paŵajawulaga kukumkamuchisya m’bale Ho-jin Kang?
Tuganichisyeje ya umbone watukwete ligongo lyakola ŵachikulile mumpingo mwetu. Yeleyi mpaka yitutendekasye kuti tupateje matala gakwakamuchisya jemanjaji. Naga ayiweni kuti ŵachikulileŵa akusosechela chikamuchisyo, atendeje yindu mwachitema pakwakamuchisya.—Yak 2:15, 16.
Aŵalanje Agalatiya 6:10. Kaneko ŵawusye ŵakupikanila chiwusyo achi:
-
Ana mpaka atende chichi kuti ‘ŵatendeleje yambone’ ŵachikulile ŵali mumpingo mwawo?
8. Lijiganyo lya Baibulo lya Mpingo
(30 min.) cl mtwe 11 ¶1-8, mbali 2 p. 107
