Nofemba 18-24
MASALIMO 107-108
Nyimbo Na. 7 ni Lipopelo | Maloŵe Gandanda (1 min.)
1. “Mwatogolele AMBUJE, Pakuŵa Ali Ŵambone”
(10 min.)
Yehofa atukulupwisye m’chilambo cha Satanachi mwakulandana ni muŵatendele pakwakulupusya Ayisalayeli ku Babulo (Sal 107:1, 2; Akl 1:13, 14)
Kumyamichila Yehofa kukusatutendekasya kuti tumchimbichisyeje jwalakwe patuli pamisongano (Sal 107:31, 32; w07 4/15 20 ¶2)
Kuganichisya yindu yosope yatutendele Yehofa kukusatutendekasya kuti tumyamichileje mnope jwalakwe (Sal 107:43; w15 1/15 9 ¶4)
2. Mfundo Syakamuchisya
(10 min.)
-
Sal 108:9 Ligongo chichi Amowabu ŵawanichisye ni “mbale jakunaŵila” ja Mlungu? (it-2 420 ¶4)
-
Ana ni yindu yapi yapatile pakuŵalanga Baibulo kwa wiki ajino yakusaka kwasalila ŵane?
3. Kuŵalanga Baibulo
(4 min.) Sal 107:1-28 (th lijiganyo 5)
4. Kutanda Kuŵechetana ni Mundu
(3 min.) KULALICHILA MWAUPILE. (lmd lijiganyo 1 ndime 4)
5. Kutenda Ulendo Wakuwilisya
(4 min.) KULALICHILA MWAUPILE. Amsalile mundujo kuti tukusatenda lijiganyo lya Baibulo ni ŵandu kaneko ampe kadi jakusala ya lijiganyo lya Baibulo. (lmd lijiganyo 9 ndime 3)
6. Ngani
(5 min.) g04 4/22 ¶ 7—Mtwe: Akajasaga Mtima Mwachitema (th lijiganyo 14)
Nyimbo Na. 46
7. Tukusajimba Nyimbo Kuti Tumyamichileje Yehofa
(15 min.) Ngani jakambilana.
Paŵakulupwisye pa Nyasa Jechejewu myala mwa asilikali ŵakogoya mnope ŵa ku Iguputo, Ayisalayeli ŵajimbile nyimbo jakumyamichila mnope Yehofa. (Eks 15:1-19) Achalume ni ŵaŵalongolelaga pakwimba nyimbo jasambanoji. (Eks 15:21) Yesu ni Aklistu ŵa m’yaka 100 yandanda nombenawo ŵajimbaga nyimbo syakumchimbichisya Mlungu. (Mat 26:30; Akl 3:16) Tukusalosya kuti tukusamyamichila Yehofa mwakwimba nyimbo pamisongano ja mpingo, ja dela soni ja chigawo. Mwachisyasyo, nyimbo jatugambile kwimba kweneji jakuti “Sikomo Yehofa,” jiŵele jili mkwimbidwa pamisongano jetu kutandila mu 1966.
Mu madela gane yikusaŵa yakutesya sooni kuti achalume ajimbeje nyimbo pagulu. Ŵandu ŵane ngakusajimba nyimbo ligongo akusayiwona kuti ngakusajimba chenene. Nambope tukusosekwa tukumbuchileje kuti kwimba nyimbo pamisongano jili mbali jimo jakulambila kwetu. Gulu ja Yehofa jikusamalila ndaŵi jejinji pakulemba nyimbo syambone mnope soni kusagula nyimbo syampaka tujimbe pamsongano uliwose. Yatukusasosekwa kutenda yili yamnonope basi gamba kwima ni kwimba yimpepe ni achimjetu pakulosya kuti tukusanonyela soni kwayamichila Atati ŵetu ŵakwinani.
Alolele FIDIYO JAKUTI—Yayiŵele Yili Mkutendekwa mu Gulu Jetu—Nyimbo, Mbali 2. Kaneko ŵawusye ŵakupikanila yiwusyo ayi:
-
Ana ni chakutendekwa chapadela chapi chachatendekwe mu 1944?
-
Ana abale ŵa ku Siberia ŵalosisye chamti uli kuti ŵayamichilaga upile wakwimba nyimbo sya Uchimwene?
-
Ligongo chichi kwimba nyimbo kuli kwakusosekwa mnope kwa ŵa Mboni sya Yehofa?
8. Lijiganyo lya Baibulo lya Mpingo
(30 min.) cl mtwe 19 ¶18-23 soni libokosi, p. 198
