Kapolo jwakulupichika ni jwalunda akusatupa chakulya “mu ndaŵi jakwe,” yayikusalosya kuti Yehofa ni jwakumlongolela kapoloju soni akusamanyilila yakusosechela yetu ya usimu. (Mat. 24:45) Kupwatikapo pa yindu yine, misongano jajikulungwa soni misongano ja mpingo ja mkati mwa wiki jikusatupa umboni wa yeleyi.

ALOLELE FIDIYO JAKUTI, LIPOTI LYA KOMITI JAKWIGANYA LYA 2017, KANEKO AJANJE YIWUSYO AYI:

• Ana ŵani ŵakusosekwa kupochela uchimbichimbi pa misongano jatukusasangalala najo soni ligongo chichi?

• Ana masengo gakulinganya mapologalamu ga pa msongano wa upande gakusatandala papi?

• Ana mitwe ja misongano jekulungwa akusasagula mwamtuli?

• Ana ni masengo gapi gakusapwatikapo pakukosechela misongano jekulungwa?

• Ana matala gakusajiganya ku Gileadi akusagakamulichisya chamtuli masengo pakulemba kabuku ka msongano wa Undumetume ni Umi Wachiklistu?

• Ana madipatimenti ngakulekanganalekangana gakusakamulila masengo pampepe chamtuli pakulinganya kabuku ka yakutendekwa pa msongano?

Ana tukusapikana wuli ni yindu ya usimu yakusatupa Yehofa?