Pa 2 Akolinto 9:7, tukusasalilidwa kuti, “Jwalijose apeleche mwakusachila mpela yiŵatite pa ganisya mu mtima mwakwe, ngaŵaga kwine alimkudandawulaga kapena kumkanganichisya, pakuti Mlungu akusamnonyela mundu jwakupeleka mwakusangalala.” Masiku agano tukwete matala gambone mnope gakupelechela yakupeleka yetu kupitila pa Intaneti pakukamuchisya masengo ga Mboni sya Yehofa pa mpingo soni pa chilambo chosope.

ALOLELE FIDIYO JAKUTI, KUPELEKA YAKUPELEKA NDAŴI SYOSOPE KUPITILA PA INTANETI, KANEKO AJANJE YIWUSYO YAKUYICHISYAYI:

• Ana mpaka tupate chamtuli matala gakupelechela yakupeleka pa Intaneti m’chilambo mwetu?

• Ana kupeleka yakupeleka kupitila pa Intaneti kwakamuchisye chamtuli ŵandu ŵane?

• Ana ni matala gane gapi gampaka tupelechele yakupeleka?

• Ana tukusosekwa kutenda chichi naga ngatukupikanichisya kakamulichisye masengo ka matala gasambano gakupelechela yakupeleka kupitila pa Intaneti?